*ହେ ଚକ୍ରଧାରୀ ଶୁଣ ହେ ଗୁହାରି

ଶୁଣହେ ଗୁହାରୀ ପ୍ରଭୁ ଚକ୍ରଧାରୀ
ଅଵ୍ୟକ୍ତ ବେଦନା କିଛି
ସଂସାର ସୁଅରେ ଭାସମାନ ସ୍ଥିତି
କୂଳର ସନ୍ଧାନେ ଅଛି ।

ଚଞ୍ଚଳ ମନଟି ଝୁରୁ ଥାଏ ନିତି
ସତ୍ୟର ପ୍ରଦୀପ ଜାଳି
ଭୌତିକ ମଞ୍ଚରେ ସନ୍ଦେହ ଜୀବନ
ଯୁପ କାଠି ସମ ଜଳି ।

ଶୁଣହେ ଗୁହାରୀ ପ୍ରଭୁ ଚକ୍ରଧାରୀ
ଖୋଜୁଛି ମାୟା ମନ୍ଦିରେ
ଦରଦୀ ହୃଦୟେ ବେଦ ଧ୍ଵନି ତୁମେ
ଚିତ୍ତ ଅନନ୍ତ ଶଯ୍ୟାରେ ।

ବିରହ ମିଳନ ତୁମ ସଙ୍ଗେ ମୋର
ପ୍ରେମର ମାଧୁର୍ଯ୍ୟ ସାଥେ
ନିରାଶ ଜୀବନେ ଦୃଷ୍ଟି ବୃନ୍ଦାବନେ
ଆଶାର ନିର୍ବାଣ ପଥେ ।

ବ୍ୟାକୁଳ ପରାଣ ମାନସ ମନ୍ଥନ
ନିଶବ୍ଦରେ କିଛି ଛବି
ସାଧନା ଆସନୁ କମ୍ପିତ ଲାଗଇ
ସୂକ୍ଷ୍ମ ଚେତ ଅନୁଭବୀ ।

ବିଶ୍ୱାସ ବନ୍ଧନେ ବାନ୍ଧି ଦେଲ ତୁମେ
ଅଭିମାନ ଭରି ଦେଇ
ମନ ପକ୍ଷୀ ନିତି ଘୁରି ବୁଲେ ଦେଖ
ଦିଗହଜା ଶୂନ୍ୟେ ଯାଇ ।

ସର୍ବଦା ପରୀକ୍ଷା ଦେଉ ଥିବି ମୁହିଁ
ପରିକ୍ଷକ ତୁମେ ମୋର
କର୍ତ୍ତବ୍ୟ ଖାତାଟି ତୁମ ପାଶେ ଅଛି
ଫଳଟି ତୁମ ହସ୍ତର ।

କାହିଁକି କେଜାଣି ପରସ୍ପର ପ୍ରୀତି
ବଢେ ସଂସାର ଭୁବନେ
ବହୁ ଜନ୍ମର ଦାସ ପଣ ଭାବଟି
ବିକଶିଲା ଏଇ ଜନ୍ମେ ।

ଶୁଣହେ ଗୁହାରୀ ପ୍ରଭୁ ଚକ୍ରଧାରୀ
ତଥାପିତ ଅବଶୋଷ
ଥରଟିଏ ପାରି କରହେ ନାଉରୀ
ଉର୍ଦ୍ଧ୍ବଗତି ବ୍ରହ୍ମ ସ୍ପର୍ଶ ।

ଜୀବନ ଯମୁନା କରୁଛି କାମନା
ପ୍ରଭୁ ପାଦ ସ୍ପର୍ଶ ପାଇଁ
ଜୀବ ପରମର ମହାମିଳନଟି
ପୂର୍ଣ୍ଣତା ଲଭିବ ଯାଇଁ ।

*ସ୍ନିଗ୍ଧା ସାମନ୍ତରାୟ, ଚୁନଭାଟି, ଗୋପାଳ ଗାଁ, ବାଲେଶ୍ଵର ।*

 5,483 total views,  1 views today

One thought on “*ହେ ଚକ୍ରଧାରୀ ଶୁଣ ହେ ଗୁହାରି* —*ସ୍ନିଗ୍ଧା ସାମନ୍ତରାୟ,”
  1. Have you ever thought about including a little bit more than just
    your articles? I mean, what you say is fundamental and everything.
    However think of if you added some great pictures or videos
    to give your posts more, “pop”! Your content is excellent but with images and video clips, this site could undeniably be one of the most beneficial in its niche.
    Awesome blog!

Leave a Reply

Your email address will not be published. Required fields are marked *