ଶୀର୍ଷକ – ପୁନଃମିଳନ
ଅଳସୀ ଆଖିରେ ସପନ ଦେଖେ
ତୁମ ପରି ଗୋଟେ ଜହ୍ନ,
ବାନ୍ଧି ପାରେ ନାହିଁ ଚାନ୍ଦିନୀ ତାକୁ
ଉଁଆସ ରାତିର ପାଦଚିହ୍ନ।
ଦୁଃଖ ଅଛି ବୋଲି ଖୁସିର ମହକ
ବେଶୀ ସିନା ବାସ୍ନାମୟ,
ବିରହରେ ସିନା ପ୍ରୀତିର ରଙ୍ଗ
ଲାଗେ ସିନା ପ୍ରେମମୟ।
ଆଙ୍କି ଚାଲେ ତାର ଦରଦୀ ଆଖିରେ
କେତେ ଯେ ଆସକ୍ତି ସପନ,
ରଜନୀ ବକ୍ଷରେ ଆଙ୍କେ ବସି
ଅଲିଭା ସ୍ୱପ୍ନର ପାଦ ଚିହ୍ନ।
ପ୍ରେମର ମାଧୁର୍ଯ୍ୟ ମାୟାରେ
ବାନ୍ଧି ଦେଇଯାଅ ମୋତେ,
ରାତ୍ରିର ନିଶବ୍ଦତାର କୋଳରେ
ଇପ୍ସିତ ଇଚ୍ଛା କେତେ ଯେ ସତେ।
ପ୍ରତୀକ୍ଷାର ଅନ୍ତ କେବେ ହୋଇ
ହେବ ଆମ ପୁନଃମିଳନ,
ଚାତକ ସଦୃଶ ଚାହିଁ ରହିଛି ମୁଁ ଯେ
କେବେ ଏକ ହେବ ଆମ ସ୍ପନ୍ଦନ।
ନାମ – ରଶ୍ମୀବାଳା ଶତପଥୀ
ସ୍ଥାନ – ଯାଜପୁର ଟାଉନ୍,ଯାଜପୁର
ସୁନ୍ଦର ଉପସ୍ଥାପନା ପାଇଁ ଅଶେଷ ଧନ୍ୟବାଦ।