#ଝରା_ପତର_ର_ଗୀତ
ଝରା ପତରର କେଶରୀ ରଙ୍ଗରେ
ଏତେ ତେଜ କାହିଁପାଇଁ ??
ଅଦିନ ବସନ୍ତ ସାଜିଥିଲ ତୁମେ
ଗିତଟେ ଲେଖିଲା ନଈ……।
ଝରଣାର ଝର ଘାସରେ କାକର
କେତେ ମହନୀୟ କେତେ ମନୋହର
ତୁମେ ମମତାରେ ବାନ୍ଧିଥିଲ ବୋଲି
ଜହ୍ନକୁ ଝୁରିଲା କଇଁ…….।
ଶବ୍ଦ ସବୁ ଆଜି ଅଭିମାନୀ ଯେହ୍ନେ
ମଲା ତଟିନୀର ତୀର…
ମୁଁ ଅବା କେମିତି ଖଦ୍ୟୋତ ଟେ ହୋଇ
ଜହ୍ନକୁ ମାରିବି ତୀର !!
ସ୍ୟାହି କରେ ଶୋକ ସାହିତ୍ୟର ଭୋକ
ଲହୁ ହୋଇ ଝରେ ଛାତି ତଳ ଦୁଃଖ
ମୁଁ ଅବା କିପରି ଫୁଲକୁ ଆଦରି
କଣ୍ଟାକୁ କରିବି ପର….!!
ମୁଁ ଅବା କେମିତି ଖାଦ୍ୟୋତ ଟେ ହୋଇ
ଜହ୍ନ କୁ ମାରିବି ତୀର ??
✍️ ସୁପ୍ରଜିତ୍ ସାହୁ