*ଦିନେ ତୁମେ ଫେରିବ*
ଶାଶ୍ୱତ ପ୍ରେମର ପରିଚୟ ଦେଇ
ଆପଣାର କରି ନେଲ
ସିଂଥିରେ ସିନ୍ଦୂର ହାତରେ କଙ୍କଣ
ଦେବାକୁ ଭରଷା ଦେଲ ।
ମୁକ୍ତ ଆକାଶର ବିହଙ୍ଗଟେ ଥିଲି
ବନ୍ଦୀ ତୁମେ କରିଦେଲ
ଶାଶ୍ୱତ ପ୍ରେମକୁ ସମ୍ମାନ ମୁଁ ଦେଲି
ତୁମେ ମତେ ଭୁଲି ଗଲ ।
ଗର୍ଭରେ ମୋହର ତୁମରି ସନ୍ତକ
ନୟନେ କୋହର ଜଳ
ବୁଝିଲନି ତମେ ପ୍ରେମର ମହତ୍ତ୍ୱ
ଅଧାବାଟେ ଛାଡ଼ି ଦେଲ ।
ଦୁନିଆ କୁହଇ କୁଆଁରି ଜନନୀ
ବିଶ୍ବାସେ ଜହର ଦେଲ
ପରିଚୟ ଦେବା ବାହାନାରେ ତମେ
କଳଙ୍କ ଯେ ବୋଳିଦେଲ ।
ଦିନେ ତୁମେ ଫେରିବ ସେ ଅପେକ୍ଷାରେ
ପ୍ରତୀକ୍ଷଣ ମୁହିଁ ଜଳେ
ପବିତ୍ର ପ୍ରେମକୁ କଳଙ୍କିତ କରି
ସନ୍ତାନ କୋଳରେ ଖେଳେ ।
କାହ୍ନୁ ଚରଣ ସାହୁ
ପଣ୍ଡକାମାଳ, ମ.ରାମପୁର, କଳାହାଣ୍ଡି