ଗୁଲାପ୍ ଫୁଲ୍
ଫୁଲ୍ ତ ଫୁଲ୍ ଗୁଲାପ ଫୁଲ୍
କେଡେ ସୁନ୍ଦର ସତେ,
ଜଗେଇ ଅଛେଁ କେଡେ ଯତନେ
ବଢୁଅଛେ ମୋର୍ ହାତେ ।।
ଚାରିକୁତି ଆମର୍ ମହକି ଯାଏସି
ଗୁଲାପ୍ ଫୁଲର ବାସ୍ନା,
ତାର୍ ସଂଗେ ଫେର୍ ସାଂଗ୍ ହେଇଛନ୍
ଝାର୍’ମଲି ଆରୁ ଦହନା।।
କଁଟା ସର୍ ସର୍ ହେଇ ଥିଲେ ଭି
ଫୁଲ୍ଟା କେଡେ ସୁନ୍ଦର୍,
ଲାଲ୍ ହଲ୍ଦିଆ ମେନ୍ ମେନ୍’ସା
ଲାଗ୍’ସି ଉବାଗର୍।।
ଖତ୍ ପାଏନ୍ ଦେଇ କେତେ ସାଜୁଛେଁ
ଚାହାପତି ଗୁଁଡ୍ ଦେଇ,
ପିଲା ଛୁଆ ବାଗୀର୍ ବଢେଇଛେଁ ତାକେ
ନାଇଁ ଛିଡ଼ାବ କେହି ।।
କଥା ଥି ଅଛେ ଛୁଆଟେ ସୁଁଦର୍
ମାଁର୍ କୁଲେ ଥିଲେ,
ହେନ୍ତା ସୁଁଦର୍ ଗୁଲାପ୍ ଫୁଲ୍
ଲଟ୍’କି ଥିଲେ ଡାଲେ।।
ଚୁମ୍କି ଦାଶ (ମିଶ୍ର)
ଶାନ୍ତିପଡା, ବଲାଙ୍ଗୀର
Thanks on your marvelous putting up! I critically relished looking at it, you may be a terrific creator. I will be sure to bookmark your website and certainly will return eventually. I want to inspire that you simply continue on your great work, have a awesome getaway weekend!
I like looking through by way of a put up that can make men and women Consider. Also, numerous thanks for enabling for me to remark!