//ପୂର୍ଣ୍ଣମୀ ରାତିର ଜହ୍ନ ଆଲୋକ//
ରୀକ୍ଷିରାମ ମେହେର
***********************************
ଜହ୍ନ ଆଲୋକର ପୂର୍ଣ୍ଣମୀ ରାତିରେ
ଗାଁ ଦାଣ୍ଡ ଯାଏ ଝଲସି।
ନୂଆବୋହୂ ପରି ଓଢଣୀ ଟାଣି ସେ
ଦୋଉଚି ମୁରୁକି ହସି।1।
ପୂର୍ଣ୍ଣମୀ ଚାନ୍ଦର କିରଣେ ଦିଶଇ
ଲାବଣ୍ୟବତୀର ଶୋଭା।
ଚାନ୍ଦିନୀ ରାତିକୁ ଉପଭୋଗ କଲେ
ଲଗାଇ ଅପୂର୍ବ ଆଭା।2।
ଏକୁଟିଆ ବୁଲେ ନୀତି ମୁଁ ରାତିରେ
ଜହ୍ନକୁ ଦେଖିବା ପାଇଁ।
ଦେଖି ଦେଲେ ଥରେ ମନ ଭରିଯାଏ
ଆନନ୍ଦରେ ନାଚେ ମୁହିଁ।3।
ସାଧବ ବୋହୂପରି ସାଜି ଆସିଥାଏ
ପୂର୍ଣ୍ଣମୀ ରାତିରେ ଥରେ।
ସବୁଦିନ ଯଦି ହୁଆନ୍ତା ପୂର୍ଣ୍ଣିମା
ମନେ ମନେ ତାକୁ ଝୁରେ।4।
ପୂର୍ଣ୍ଣମୀ ରାତିର ଜହ୍ନ ଅଲୁଆରେ
ଚାନ୍ଦ ସାଥେ ତାରା ମେଳ।
ଜାଗ୍ରତ ହୁଏ ମନେ ତାଙ୍କ ସାଥିରେ
ଖେଳିବାକୁ ସାଙ୍ଗେ ଖେଳ।5।
କରୁଛି ମିନତୀ ଆସ ଗୋ ପୂର୍ଣ୍ଣିମି
ନୀତି ଦିନ ତୁମେ ଆସ।
ସବୁ ଦିନ ପାଇଁ ସାଥିଟିଏ ହୋଇ
ସାଥେ ଚାନ୍ଦ ନେଇ ଆସ।6।
କବିର କଳ୍ପନା ମନର ଭାବନା
ତୁମପାସେ ଅଛି ମନ।
ଆସିବକି ତମେ ଅନୁଗ୍ରହ କଲେ
ମୋର ପାସେ ନୀତିଦିନ।7।
ବିଧିର ବିଧାନ କେ କରିବ ଆନ
ସୃଷ୍ଟି ପାଇଁ ନିୟୋଜିତ।
ସ୍ରଷ୍ଟା କରିଛି ତୁମକୁ ସଂରଞ୍ଚନା
ଆଜ୍ଞାବଳେ ଆତଯାତ।8।
ରୀକ୍ଷିରାମ ମେହେର
272 total views, 2 views today