December 07, 2021
11 11 11 AM
*PEACEFULL CLOUDSPHERE–Maid Čorbić*
*CALM CLOUDS-Prasanna Bhatta*
*CALM CLOUDS–Chinmayee Mohapatra*
*Calm Clouds–Marck Ogbac*
*CALM CLOUDS–Ramesh Chandra Pradhani*
*Calm Clouds–Hazel Domingo*
*Calm clouds–Gayatri mishra*
*ଭସାମେଘ–ମୁକ୍ତିରାଣୀ ଦେବତା*
*”ଭସା ମେଘ”-ସ୍ଵପ୍ନାରାଣୀ ପାଣିଗ୍ରାହୀ*
*ଭସା ମେଘ–ନିତ୍ୟାନନ୍ଦ ସିଂହ*
*ଭସାମେଘ–ଜାନକୀ ମହାନ୍ତ*
*ଭସା ମେଘ–ଅଞ୍ଜଳି ଗିରି*
*ଭସାମେଘ–ସନ୍ଧ୍ୟାରାଣୀ ହୋତା*
*ଭସା ମେଘ–ପ୍ରତିମା ବାରିକ*
*ଟିପେ ପୃଥିବୀର ମୋହ – ସୀମାଞ୍ଚଳ ପଣ୍ଡା*
*ମରିଚିକା – ମନୋଜ କୁମାର ଦାସ*
*ଅପେକ୍ଷା ର ମୁହୁର୍ତ୍ତ – ନିର୍ମଳ ବାରିକ*
*ତୁ ଥା ମୁଁ ଯାଉଛି ଋଷି – ମୁକ୍ତିରାଣୀ ଦେବତା*
*BEYOND LIMITS -Dr.Prasana Kumar Dalai*
*କବିଟିଏ ମୁଁ କବିଟିଏ – ଜିତେନ୍ଦ୍ର ଗିରି*
Latest Post
*PEACEFULL CLOUDSPHERE–Maid Čorbić* *CALM CLOUDS-Prasanna Bhatta* *CALM CLOUDS–Chinmayee Mohapatra* *Calm Clouds–Marck Ogbac* *CALM CLOUDS–Ramesh Chandra Pradhani* *Calm Clouds–Hazel Domingo* *Calm clouds–Gayatri mishra* *ଭସାମେଘ–ମୁକ୍ତିରାଣୀ ଦେବତା* *”ଭସା ମେଘ”-ସ୍ଵପ୍ନାରାଣୀ ପାଣିଗ୍ରାହୀ* *ଭସା ମେଘ–ନିତ୍ୟାନନ୍ଦ ସିଂହ* *ଭସାମେଘ–ଜାନକୀ ମହାନ୍ତ* *ଭସା ମେଘ–ଅଞ୍ଜଳି ଗିରି* *ଭସାମେଘ–ସନ୍ଧ୍ୟାରାଣୀ ହୋତା* *ଭସା ମେଘ–ପ୍ରତିମା ବାରିକ* *ଟିପେ ପୃଥିବୀର ମୋହ – ସୀମାଞ୍ଚଳ ପଣ୍ଡା* *ମରିଚିକା – ମନୋଜ କୁମାର ଦାସ* *ଅପେକ୍ଷା ର ମୁହୁର୍ତ୍ତ – ନିର୍ମଳ ବାରିକ* *ତୁ ଥା ମୁଁ ଯାଉଛି ଋଷି – ମୁକ୍ତିରାଣୀ ଦେବତା* *BEYOND LIMITS -Dr.Prasana Kumar Dalai* *କବିଟିଏ ମୁଁ କବିଟିଏ – ଜିତେନ୍ଦ୍ର ଗିରି*

*ଭାବନାର ଅବର୍ତ୍ତମାନେ–ଶତରୂପା ମିଶ୍ର*

ଭାବନାର ଅବର୍ତ୍ତମାନେ
—————————-

ଭାବନା ସାଗରରେ ଘନଘନ ଭଟ୍ଟା ପଡୁଛି,
ନିଃସ୍ଵ କବୀ ର କବିପଣ ନିଜକୁ ଧିକ୍କାର କରୁଛି,
ଆଉ ନିଶୁନ୍ ବେଳାଭୂମିରେ
କ୍ଳାନ୍ତ ଝର କଲମ ଖାଲି ପେଟରେ ଗଡ଼ୁଛି..
ଆବେଗର ଗଣ୍ଡ ଭିତରେ ବୁଡି ନ ମରିଲେ
ଜୀବନ୍ତ କବିତା ଟେ ଉତୁରେଇ ହୁଏ କି ??
ମୁଁ ତ ପାରେନା…
କିମ୍ଭୂତ କିମ୍ଭାକାର କ୍ଳିଷ୍ଟ ଶବ୍ଦ ମାନଙ୍କୁ
ଜୋର୍ ଜବରଦସ୍ତ ବାନ୍ଧି ଆଣି ସେମାନଙ୍କ
ଜୋଡ୍ ତୋଡ୍ ରୁ ନିର୍ମିତ ନିଷ୍ପ୍ରାଣ ଜିନିଷଟାକୁ
କବିତାର ନାଁ ଦେଇ
ପ୍ରତିବାଦ ଶୂନ୍ୟ ସାଦା କାଗଜର ଗୋରା ଗାଲ ରେ
ଛାପି ଦେଇ ପାରେନା…

ସବୁବେଳେ ତ ଠିକ୍ ଥାଏ !!
ହେଲେ ଆଜି କାହିଁକି କେଜାଣି
ଭାବନାର ସମୁଦ୍ରଟା ଦୂରକୁ ଦୂରକୁ ଘୁଞ୍ଚି ଯାଉଛି…
କିନ୍ତୁ ମୋ ଶୁଖିଲା ହୃଦୟଟା ନିଜକୁ ଚିପୁଡ଼ି
କଲମ ପେଟରେ ରକ୍ତ ଭରୁଛି,
ଅଜ୍ଞାତ ଶୀର୍ଷକ ଅବଶ୍ୟମ୍ଭାବୀ କବିତାର
କୋଣ ଅନୁକୋଣେ ସେଇ ଜିଦଖୋର୍
ଲାଲ୍ ରଙ୍ଗ କବୀର ଇଙ୍ଗିତରେ
ଗାରେଇ ହେବାପାଇଁ ତୟାର୍ ହଉଛି…

ଏତିକି ବେଳକୁ ଶବ୍ଦ ମାନେ ବି
ଦାଉ ସାଧିଲେଣି, ଭାଉ ଖାଇଲେଣି…
ଆଖି ଆଗରେ ଆଖି ମିଟ୍ ମିଟ୍ କରି ଖତେଇ ହୋଇ
ଆଖି ପିଛୁଳାକେ ଲୁଚି ପଡ଼ିଲେଣି…
ବ୍ୟାକୁଳତାର ଖଣ୍ଡିଆ ଭୂତରେ
ବାଲିଧୂଳି ଭଳି ଫେଣ୍ଟିହୋଇ ଖେଳି ବୁଲୁଛନ୍ତି
ମୋ ଚାରିପାଖରେ,
ଆଉ ମୁଁ ସେମାନଙ୍କୁ ଧରିବାକୁ ଗଲେ
ମୋତେ ଉଡେଇ ନେଉଛନ୍ତି ନିଜ ସାଥିରେ-
ଅର୍ଥହୀନତାର ଅନ୍ଧାରୀ ମୁଲକକୁ…
ତାତ୍ସଲ୍ୟ କରି କାନରେ ଫୁସ୍ ଫୁସ୍ କହିପକାଉଛନ୍ତି,
“ଶତଚେଷ୍ଟା କରି ଦେଖିନିଏ କବୀ,
ଭାବନା ରେ ମନଭରି ନ ଭିଜିଲା ଯାଏଁ
ଆମେ ଧରା ଦେବୁନି ମୋଟେ… !!”

ସତରେ ବେଳେବେଳେ କବୀଟିଏ
ଭାରି ଦରିଦ୍ର ହୋଇପଡ଼େ ଭାବନାର ଅବର୍ତ୍ତମାନେ..
ହାୟ !! କାଗଜ ପାଲଟିଯାଏ
ଶୂନ୍ୟ ମହାକାଶ ଠୁଁ ଆହୁରି ଶୂନ୍ୟ, ଆଉ
ଲେଖନୀ ହୋଇପଡ଼େ ଦୂର୍ବାଦଳ ଠାରୁ
ଆହୁରି ଦୁର୍ବଳ… !!

ତଥାପି କବୀ ର ଅତୁଟ ଆସ୍ଥା, ସେ
ସେଇ ଶୂନ୍ୟକୁ ଭାଜକ କରି ଅନନ୍ତ ପରିକଳ୍ପନା କୁ
ଶବ୍ଦରେ ସଜେଇବ….
ଅମାବାସ୍ୟାର ଅଣଲେଉଟା ଭଟ୍ଟା
ପୂର୍ଣ୍ଣମୀ ତିଥିରେ ପୁଣି ଥରେ
ଜୁଆର ରୂପରେ ଲେଉଟି ଆସିବ…
ଶବ୍ଦ ମାନେ ତହିଁରେ
ମୁରୁକି ମୁରୁକି ହସି ମୁଣ୍ଡ ପାତି ଭିଜିବେ,
ଆଉ ଭିଜା ଶବ୍ଦ ମାନଙ୍କୁ ନେଇ
ସେ ନିଜ ହାତରେ ତୋଳିବ
କଳ୍ପନାର ସୁବର୍ଣ୍ଣ ସୌଧ !
କଲମ ପେଟରେ ସଞ୍ଚିତ ରକ୍ତର
ଶେଷ କେଇ ବୁନ୍ଦା ଅଠାଳିଆ ହୋଇ ଶୁଖିଯିବା ଆଗରୁ
ସେ ନିଶ୍ଚୟ ଲେଖିବ,
ହଁ, ସେ ନିଶ୍ଚୟ ଲେଖିବ !!!
_________________________
ଶତରୂପା ମିଶ୍ର, ରଥଗଡ଼ା, ଆଠଗଡ଼
_________________________

 1,640 total views,  1 views today

11 thoughts on “*ଭାବନାର ଅବର୍ତ୍ତମାନେ–ଶତରୂପା ମିଶ୍ର*

  1. ଦେବୀ ସତରୁପା ଙ୍କ କବିତ୍ଵ ରେ ମୁଗ୍ଧ ଏ ଦଗ୍ଧ ପ୍ରାଣ ।
    Just loved it.

  2. Very nice post. I just stumbled upon your blog and wanted to say
    that I’ve truly enjoyed surfing around your blog posts.
    In any case I will be subscribing to your feed and I hope you write again very soon!

Leave a Reply

Your email address will not be published. Required fields are marked *