🙏ଇଂରାଜୀ ନୂତନ ବର୍ଷ🙏

ନୂତନ ବର୍ଷଟି ଅତି ପରିଚିତ
ଇଂରେଜ ଶାସନ କାଳୁ,
ଭାରତ ସ୍ୱାଧୀନ ପାଇଗଲା ପରେ
ତାହାକୁ ହିଁ ଆମେ ପାଳୁ l
ସାରା ପୃଥିବୀରେ ଅତି ହରଷରେ
ବାଳୁତ ଠୁଁ ବୃଦ୍ଧ ଯାଏଁ,
ଏହି ଦିନଟିରେ ନାନା ଉତ୍ସାହରେ
ପାଳିଥାନ୍ତି ଛାଏଁ ଛାଏଁ l
କେତେ ହସ ଖୁସି ନାଚ ଗୀତ ଚାଲେ
ଆତସବାଜିକୁ ନେଇ,
କେଲେଣ୍ଡର ଯାହା ପୁରୁଣା ରହିଲା
କାନ୍ଥରୁ ଓଲ୍ହାଇ ଦେଇ l
ନୂତନ ଉତ୍ସାହ ନବ ଉଦ୍ଦୀପନା
ଭରିଦେଇ ସବୁ ମନେ,
ଅଧୁରା କାମକୁ ପୁରା କରିବାକୁ
କହିଥାଏ ସବୁ କାନେ l
ଯାହାବି ହୋଇଲା ପୁରୁଣା ବର୍ଷରେ
ଲିପିବଦ୍ଧ ରହିଯିବ,
ଶେଷ ସମୟଟି ଥିଲା ଭୟଙ୍କର
ଏହିକଥା କହୁଥିବ l
ନୂତନ ବର୍ଷଟି ଆଶୀର୍ବାଦ ହେଉ
ସମସ୍ତେ ରହନ୍ତି ଚାହିଁ ,
ହସଖୁସି ସହ ଭାଇଚାରା ଭାବ
ସମଗ୍ର ବିଶ୍ୱର ପାଇଁ l
ନାରୀକୁ ସମ୍ମାନ ବିଦ୍ୟାର୍ଥୀଙ୍କୁ ଜ୍ଞାନ
ଗୁରୁଜନେ ସଦା ଭକ୍ତି,
ସ୍ନେହ ଶ୍ରଦ୍ଧା ଦେଇ ନେଲେ ଆପଣାଇ
ପାଇବ ଅନେକ ଶକ୍ତି l
ସୁଜଳା ସୁଫଳା ହେଉ ସେ ଧରଣୀ
ସ୍ୱାବଲମ୍ବୀ ସର୍ବ ଜନ,
ଦେଶ ମାତୃକାର ସେବା କରିବାରେ
ସଭିଏଁ ଦିଅନ୍ତୁ ମନ l

ପ୍ରଶାନ୍ତ କୁମାର ଶତପଥୀ
ଛତ୍ରପୁର

 84 total views,  1 views today

Leave a Reply

Your email address will not be published. Required fields are marked *