*ସଂସାର ହାଟ*
– ଡ.ପ୍ରିୟମ୍ବଦା ସାମଲ
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ସଂସାର ହାଟରେ ଆମେ ସୌଦାଗର
କିଣାବିକା ଆମ ଚାଲିଛି
ହାଟ ସରିଗଲେ ବାଟ ସରିଯିବ
ଚାଲିଯିବା ଛାଡି ଭୂଇଁ କି।
ନାନା ଜାତି ଦ୍ରବ୍ଯ ବିକା ହୁଏ ଏଠି
ପରଖି ପାରିଲେ ହେଲା
ପରଖିବା ଲୋକ ବାହା ବାହା ପାଏ
ସଂସାରର ଲୀଳା ଖେଳା।
ସଂସାର ହାଟରେ ଅଛି ଭଲମନ୍ଦ
ପରଖି ପାରେନା ମଣିଷ
ପରଖି ପାର ଯେ ସେହି ହୁଏ ଜୟୀ
ତା ଜୀବନ ଟା ହୁଏ ସରସ।
ଅଢେଇ ଦିନର ହାଟ ଅଟେ ଧରା
ଅଢେଇ ଦିନର ନିବାସା
ତଥାପି ମଣିଷ ସଂସାର ହାଟରେ
କରେ କେତେ ନାଟ ତମସା।
ଜୀବନ ର ହାଟ ବଡ ନଟଖଟ
ସମ୍ଭାଳି ପାରିଲେ ଜୟୀ
ଟିକେ ବସି ଗଲେ ଲୋକେ ହସିବେ ରେ
ପଥର ପଡିଲେ ସହି।
ସଂସାର ହାଟରେ ସବୁ ଅସ୍ଥାୟୀ
ଈଶ୍ବରଙ୍କ ନାମ ସାର
ତେଣୁ ହେ ଚଗଲା ଭଜୁଥା ସଦା
ହେବୁ ଏ ସଂସାରୁ ପାର।
– ଡ.ପ୍ରିୟମ୍ବଦା ସାମଲ
340 total views, 1 views today
I really like looking through by way of an short article that could make persons Feel. Also, thanks for permitting me to remark!
This really is a very good idea specially to those new for the blogosphere. Uncomplicated but pretty accurate information and facts… Thanks for sharing this one. Essential read through post!