*ଦୁନିଆ*
ଦୁନିଆ ଅଟଇ ଏକ ରଙ୍ଗ ମଞ୍ଚ
ଆମେ ତାର କଳାକାର
ମୁଖରେ ରଙ୍ଗ ତ ବୋଳି ହୋଇ ଆମେ
ଅଭିନୟ ମଞ୍ଚ ଭାର l୧l
ଭିନ୍ନ ଭିନ୍ନ ରୂପ ସଂସାରେ ଲିଭାଉ
ଦୁନିଆରେ ନାଆ ବାହି
ପିତା ମାତା ସାଥେ ଭାଇ ଭଗ୍ନୀ ଆମ
ସମ୍ପର୍କ ଯେ ଚିର ସ୍ଥାୟୀ l୨l
ପାଠ ଶିଖି ଥାଉ ପାଠ ଶଳା ଯାଇ
ସ୍ନେହ ଦୟା କ୍ଷମା ସାଥେ
ଲୋଭ ମୋହ ମାୟା ରାଗ ଅଭିମାନ
ସ୍ୱାର୍ଥ ନିଃସ୍ୱାର୍ଥ ଯେ କେତେ l୩l
ଏହି ଦୁନିଆର ପର ଆପଣାର
ଜୀବନ ସୁଖ ଦୁଃଖର
ବେଳେ ବେଳେ ପ୍ରାଣ ହୁଏ ଉଲ୍ଲସିତ
କେତେ ବେଳେ ଛାର ଖାର l୪l
ସମ୍ପର୍କର ସେତୁ ସଖା ସହୋଦର
ବନ୍ଧୁ ବାନ୍ଧବ ସ୍ୱଜନ
ସୁଖର ସ୍ମୃତି ତ ମଧୁ ଭରି ଦିଏ
ଦୁଃଖେ ଜୀବନ ଦହନ l୫l
ଜୀବନର ପଥ ଅଙ୍କା ବଙ୍କା ରାସ୍ତା
ଚାଲିବାଟା ବହୁ କଷ୍ଟ
ବନ୍ଧୁର ଶିଳାରେ ରକ୍ତାକ୍ତ ପାଦରେ
ନୂପୁର ହୁଅଇ ରୁଷ୍ଟ l୬l
ମରି ମରି ଏଠି ଜୀଇଁବାକୁ ହୁଏ
ପିଇ ଆଖି ଲୁହ ଧାର
ଦୁଇ ଦିନ ସୁଖ ଦୁଇ ଦିନ ଦୁଃଖ
ଜୀବନ ଲାଗେ ଅସାର l୭ l
ଝଡ଼ ଝଞ୍ଜା ବାତ୍ୟା ପବନ ଆସଇ
ସବୁ ସହି ବାକୁ ହୁଏ
ମନକୁ କଠିନ ଛାତିକୁ ପଥର
କରି ନାଆ ବାହି ନିଏ l୮l
କେତେ ବେଳେ ନାଆ ଭଉଁରୀରେ ପଶି
ହୋଇ ଥାଏ ଉବୁଡୁବୁ
କେତେ ବେଳେ ସିଏ ପ୍ରେମ ମନ୍ଦାକିନୀ
ସ୍ରୋତକୁ କରଇ କାବୁ l୯l
ଜନମ ମରଣ ମଝିରେ ଜୀବନ
ଦୁନିଆର ଖେଳ ଘର
ଜନ୍ମର ଏନ୍ତୁଡ଼ି ମୃତ୍ୟୁରେ ମଶାଣି
ମାଟି ହୁଏ କୋଳ ତାର l୧୦l
ଗାନ୍ଧିନଗର, ନବରଙ୍ଗପୁର l
fantastic as well as remarkable blog site. I really
intend to thank you, for giving us far better details.
very insightful. Thanks for this fantastic blog writing.
great and also remarkable blog site. I truly intend to thanks, for providing us better information.
This paragraph is actually a good one it assists new the web viewers, who are wishing for blogging.