ଜୀବନ
💥💥💥💥💥💥
– ସୁଜାତା ରାଉତ
ଅଧାଖରା ପୁଣି ଅଧାଛାଇ
କେବେଦୁଃଖ କେବେସୁଖ
କେବେହସ କେବେ ଲୁହରଶ୍ରାବଣ
କେବେରୋଗ କେବେଭୋକ ।
ଏଇତଜୀବନ ମାପି ହୁଏନାହିଁ
ଗଭୀରତା ତାରକେବେ
ମାୟାମରୀଚିକା ଧାଉଁଥାଏ ଆଗେ
ଧରା ଦିଏନାହିଁ ଲବେ ।
କେବେଧନ ପାଇଁ କେବେ ଯଶପାଇଁ
ଭୋଗ ଓ ଲାଳସା ପାଇଁ
ଅବାଟେ ଜୀବନ ଧାଉଁଥାଏ ନିତି
ବିଶ୍ରାମ ଟିକିଏ ନାହିଁ ।
ବେଳ ରତରତ ହୁଏଯେବେ ଆସି
ମନେପଡେ ତୁମକଥା
ଅନୁତାପ ବିନା କିଛିବି ନଥାଏ
ଥାଏଖାଲି ତୁମଚିନ୍ତା ।
କାହିକି ଜୀବନ ହେଲା ଅକାରଣ
ମାୟାପଛେ ପଛେ ଧାଇଁଧାଇଁ
ଚେତନା ହରେଇ ହେଲି ଅଚେତନ
ତୁମ କଥା ଭାବିନାହିଁ ।
ଯେତେଯାହା ଆଜି ଅରଜିଛି ମୁହିଁ
କେହିନୁହେଁ ସାଥି ମୋର
ଅଜ୍ଞାନ ତିମିରେ ଭାସି ବୁଲୁଥିଲି
ପ୍ରଭୁମୋତେ କ୍ଷମାକର ।
ବେଳ ଥାଉଥାଉ ଆସ ବାଇମନ
ହରିଙ୍କୁ କରିବା ଧ୍ୟାନ
କର୍ମ ବନ୍ଧନରୁ ମୁକୁଳିବା ପାଇଁ
ତାଙ୍କପଦେ ରହୁମନ ।।
ସୁଜାତା ରାଉତ