::::- ବିସ୍କୁଟ -:::::
ବନସ୍ମିତା ପଣ୍ଡା
ସାମ୍ନାରେ ଥିଲା କୁନି ପିଲାଟି
ବୋଧେ ଏଇ ସାମ୍ନା ଫୁଟପାଥ ତାର ଘର
ମଇଳା ମସିହା ସାର୍ଟ, ପ୍ୟାଣ୍ଟ କହୁଥିଲା
ତାର ଭୋକିଲା ପେଟର କାହାଣୀ
ମାଗୁଥିଲା ମୋ ହାତର ବିସ୍କୁଟ ପ୍ୟାକେଟ !
ତାର ଚାହାଣୀ ଡ଼ାକିନେଲା ମୋତେ ଅତୀତର
କିଛି ମୁହୂର୍ତ୍ତକୁ,ଭାସିଗଲା ଅନେକ କଳା ବାଦଲ
ସେ ମୁଖା ଭିତରେ ମୁଁ ନିଜକୁ ପାଇଲି
ବିସ୍କୁଟ ଖଣ୍ଡେ ପାଇଁ କିପରି ନିଜକୁ ଖୋଜିଥିଲି !
ତାର ନିଷ୍କପଟ କୁନି ହସ, ମନେ ପକାଉଥିଲା
ସେ କଲେଜ କ୍ୟାଣ୍ଟିନର ଅନାବିଳ ବନ୍ଧୁତା
ଦୁଇ ଖଣ୍ତ ବିସ୍କୁଟ ଗୋଟେ କପ ଚା ସହ
ଜମୁଥିଲା ଆମ ଗୁଲିଖଟି ଆଡା !
କିଛି କହିବା ଶୁଣିବା ଆଗରୁ ସେ ନେଇ ସାରିଥିଲା ବିସ୍କୁଟ ପ୍ୟାକେଟ, ପୁଳାଏ ହସ,ସମୁଦ୍ରେ ଖୁସି ନେଇ ସେ ଫୁଟପାଥରେ ମୋ ଶୈଶବ ନେଇ ଦୌଡୁଥିଲା!
ବନସ୍ମିତା ପଣ୍ଡା
