*ଜୀବନଟା ଗୋଟେ ବୁଝାମଣା*
ଚିନ୍ମୟୀ ସାହୁ।
•••••••••••••••••••••
ଜୀବନଟା ଗୋଟେ ବୁଝାମଣା ଯଦି
ମନକୁ ବୁଝାଉ ଥିବି
କେତେ ଦେଲ ନେଲ କେତେରେ ରଖିଛ
ହିସାବ ମୁଁ ନ ରଖିବି।
ଏତିକି ମାଗୁଣି ପାର ଯେବେ ଶୁଣି
ଶୁଣ ଆହେ ଚକ୍ଷୁଶ୍ରବା
ଧୈର୍ଯ୍ୟ ମନୋବଳ ସାହସ ନ ନେବ
ଭକ୍ତି ଜ୍ଞାନ ବୁଦ୍ଧି ଅବା।
ସତ୍ୟ ପଥେନିତ୍ୟ ଚାଲିବା ପାଇଁ କି
ସଦା ପ୍ରବର୍ତ୍ତାଉଥିବ
ବାଟବଣା ହେଲେ ହାତ ଧରି ମୋତେ
ଆଲୋକ ଦେଖାଉଥିବ।
ଏ ହୃଦକନ୍ଦରେ ବସି ନୀରବରେ
ସ୍ମିତ ହାସ୍ୟ କରୁଥିବ
ଡାକିଲେ କାଳିଆ ଦର୍ଶନ ଦେଇକି
ଏ ଅଧମେ ତୋଷୁଥିବ।
××××××××××××××××××
ଚିନ୍ମୟୀ ସାହୁ।
