କୁମାର ପୂର୍ଣ୍ଣିମା
ଜଗଦୀଶ ଶତପଥୀ
********************
ବଉଦ ଫାଙ୍କରୁ ଏବେ
ଉଠିଲାଣି ଜହ୍ନ।
ମିଳିଲାନି ମମିତା ର
ସ୍ପଷ୍ଟ ପାଦ ଚିହ୍ନ।
ଜହ୍ନି ଗୀତ ଗାଉଥିଲେ
ଯେତେ ରିକ୍ସା ବାଲା।
ଖଇ ଆଉ କଉଡି ରେ
ଚିଠି ଦେଲା ଆଜି ଡାକବାଲା।
ମାଗୁଛ ତ ,ମାଗିନିଅ
କବଚ କୁଣ୍ଡଳ।
ପିଇବାକୁ ମନା ଏଠି
କାଚ କେନ୍ଦୁ ଜଳ।
ବିଵଣ୍ଣ ପୃଥିବୀ ଏଠି
ବିବର୍ତ୍ତନ ଗୀତ।
କାହିଁ ଆଜି ସାଙ୍ଗ ମେଳ
ଦେଖିବାକୁ ଜହ୍ନ ର ସଂଗୀତ।
ତାରାମାନେ ଖାପଛଡା
ଆକାଶ ଟା ନିରୋଳା ନିପଟ।
ନିଶା ଏଠି କଲବଲ
କତଲ କରୁଛି ପୁଣି କରୁଛି ଅଝଟ।
ଜଗଦୀଶ ଶତପଥୀ
57 total views, 1 views today