ଭଙ୍ଗା ହୃଦୟର ଆତ୍ମଲିପି
ମନୋଜ କୁମାର ଦାସ
******************
ରକ୍ତ ମାଂସ ହାଡ଼ରେ ଗଢ଼ା
ଏ ମଣିଷ ଜୀବନର ପିଣ୍ଡ
ଧରାପୃଷ୍ଟକୁ ଆସିଥାଏ ଏକା
ମାଆ ମାଟି କୋଳ ମଣ୍ଡନରେ l
ଦୁନିଆ ହାଟରେ ପାଦ ଥାପି
ଚାଲିବାକୁ ହୁଏ ଅମଡ଼ା ପଥ
ଜୀବନର ଲକ୍ଷ୍ୟ ଥାଏ ଅନେକ
ସମୟର ସ୍ଥିତି କରେ ଛଳନା l
କେମିତି ବୁଝିବ ଏ ହୃଦୟ ମନ
ଆହାପଦେ କହିବାକୁ କେହିନାହିଁ
ଅସହାୟ ଜୀଵନର ଯନ୍ତ୍ରଣାକୁ
ଭୋକର ଭୂଗୋଳରେ ଛଟପଟ l
ବଂଚିଛି ଏଠି ଜୀଵନ ସଂଗ୍ରାମେ
ଆତ୍ମୀୟ ମାନଙ୍କୁ ହରାଇବାପରେ
ସମୟର ଅପରାହ୍ନ ମୁହୂର୍ତ୍ତରେ
ଲେଖା ଭଙ୍ଗା ହୃଦୟର ଆତ୍ମଲିପି l
**********-*-**********
ମନୋଜ କୁମାର ଦାସ
