ଦାୟିତ୍ୱ

ଜୀବନର ମୂଲ୍ୟବୋଧରେ ଅଟଇ
ଦାୟିତ୍ୱ ଗୋଟିଏ ଅଙ୍ଗ
ସବୁ ସମୟରେ ଦାୟିତ୍ୱର ସଂଜ୍ଞା
ଶୃଙ୍ଖଳାର ଏକ ସଙ୍ଗ।

ପ୍ରତ୍ୟେକ କାର୍ଯ୍ୟରେ ନିୟମକାନୁନ
ଦାୟିତ୍ୱ ପର୍ଯ୍ୟବେସିତ
ନିଷ୍ଠାର ସହିତ କଲେ ସମ୍ପାଦନ
ହେବାନାହିଁ ହରକତ।

ଉତ୍ତମ ସନ୍ତାନ ଗଢିବା କ୍ଷେତ୍ରରେ
ପିତାମାତାଙ୍କ ଦାୟିତ୍ୱ
ସାମାଜିକ ଆଉ ନୈତିକତା କ୍ଷେତ୍ରେ
ଦିଅନ୍ତି ବେଶୀ ଗୁରୁତ୍ୱ।

ଯୋଗ୍ୟ ନାଗରିକ ଗଢିବା କ୍ଷେତ୍ରରେ
ଗୁରୁଙ୍କ ଗୁରୁ ଦାୟିତ୍ୱ
ଶାରୀରିକ ଅବା ଆଧ୍ୟାତ୍ମିକ କ୍ଷେତ୍ରେ
ବଢ଼ାଇଥାନ୍ତି ମହତ୍ତ୍ୱ ।

ଦେଶର ସମ୍ମାନ ଅଖଣ୍ଡତା ରକ୍ଷା
ନାଗରିକର ଦାୟିତ୍ୱ
ସମାଜସେବାରେ ବ୍ରତୀହୋଇ ନର
ଦେଖାଏ ତା’ର କୃତିତ୍ୱ।

ସବୁ କାର୍ଯ୍ୟକ୍ରମେ ରହିଲେ ଦାୟିତ୍ୱ
କାର୍ଯ୍ୟ ହୁଅଇ ସୁବିଧା
ସମସ୍ୟା ଆସେନି କର୍ତ୍ତବ୍ୟର ପଥେ
ହଟିଯାଏ ବିଘ୍ନ ବାଧା।

ଦାୟିତ୍ୱର କ୍ଷେତ୍ର ଅନେକ ବିସ୍ତୃତ
ସୁରକ୍ଷାର ସେ ବଳୟ
ଆତ୍ମା ଆଉ ପ୍ରାଣ ହୁଏ ଉଲ୍ଲସିତ
ଯେହ୍ନେ ଫଗୁଣ ମଳୟ।

ବନଲତା ଜାଲି
କୃଷ୍ଣପ୍ରସାଦ, ପୁରୀ

Leave a Reply

Your email address will not be published. Required fields are marked *