ଉଜାଣି ଆତ୍ମା ଗୀତି
ସୁପ୍ରଜିତ ସାହୁ
*****************************
ସେ କ୍ଷଣେ ବି ଥିବ ମନ୍ଦହାସ ଟିଏ
ମଳିନ ବଦନେ – ପ୍ରାଣହୀନ ଦେହେ
ମିହିରୁ ମିହିର ସରଳ ରେଖାରେ,
ବାହୁଡ଼ିବି ଦିନେ ଚକ୍ରବାଳ ପାରେ……।
ବନ୍ଧୁ ବଇରୀ ମୋ’ ସେ ଦିନ ସମାନ
ସେ ମୁହୂର୍ତ୍ତ ସତେ କେତେ ପ୍ରୟୋଜନ !
ଜୀବନ ତେଜିବ ତା’ର ଗୁରୁ ଭାର,
ଲଂଘିଯିବ ଆତ୍ମା ମୋ’ ଲକ୍ଷ୍ମଣ ଗାର…।
ଉଇଁବି କି ନାହିଁ ତାରାଟିଏ ହୋଇ
ତମସା- ଗଗନେ ତାହା ଜାଣେ ନାହିଁ
ନିଶ୍ଚେ ଦୀପ ସାଜି ଯିବି ତୁମ ପାଶେ,
ଜ୍ୟୋତିଷ୍ମାନ ହେବି ତୁମରି ପରଶେ….।
ସୁପ୍ରଜିତ ସାହୁ
ସୁପ୍ରଜସାହୁ ସାହୁ ସୁପ୍ରଜସାହୁ
