ଗୁରୁଦେବ
ଜିତେନ୍ଦ୍ର ଗିରି
*************************
ହେ ଗୁରୁଦେବ ମୁଁ ଖୋଜେ ତୁମ୍ଭ ପାଦ
ରଖିବାକୁ ଲୟ ମୋର
ତୁମ୍ଭ ପାଦଦ୍ବୟ ମୋ ପାଇଁ ସରଗ
ଠିକଣା ସେ ତ ଅମୃତର।
ତୁମ୍ଭ କୃପା ବିନା ଶୂନ୍ୟ ଏ ଜୀବନ
ବେସୁରା ଜୀବନ ଗୀତ
କୃପା ତୁମ୍ଭ ହେଲେ ଆହେ ଗୁରୁଦେବ
ମୁକ ମୁଖେ ଶୁଭେ ସଙ୍ଗୀତ।
ଆଜ୍ଞାନ ଅନ୍ଧାର ଦୁରକରି ତୁମ୍ଭେ
ଜ୍ଞାନର ଆଲୋକ ଦେଖାଅ
ପଥ ହୁଡ଼ିଗଲେ ଆହେ ଗୁରୁଦେବ
ସୁପଥ ଟି ତୁମ୍ଭେ ଦେଖାଅ।
ତୁମ୍ଭ ଶିକ୍ଷା ଦୀକ୍ଷା କୁସଂସ୍କାର ନାଶକ
କଥାଟି ନିରାଟ ସତ
ଆହେ ଗୁରୁଦେବ ତୁମ୍ଭେ ମଙ୍ଗଳ କାରକ
ଜାଣିଛି ସାରା ଜଗତ।
ତୁମ୍ଭ ଦିବ୍ୟଜ୍ଞାନ ଅମୃତ ସମାନ
ଆମକୁ ଜୀଇଁବା ଶିଖାଏ
ଆହେ ଗୁରୁଦେବ ତବ କୃପା ହେଲେ
ଆମ୍ଭ ଜୀବନ ସାର୍ଥକ ହୁଏ।
ତୁମ୍ଭ ପାଦ ପଦ୍ମେ ସଦା ରହୁ ମନ
ଏତିକି ମାଗୁଣି ମୋର
ଆହେ ଗୁରୁଦେବ ଦିଅ ହେ ଆଶିଷ
ମୁଁ ଯୋଡୁଅଛି ବେନି କର।
ଜିତେନ୍ଦ୍ର ଗିରି
Hi! This put up couldn’t be composed any better! Reading this put up jogs my memory of my previous place mate! He generally saved talking about this. I’ll forward this publish to him. Relatively sure he could have a good read. Many thanks for sharing!