💝💝💝💝💝💝💝💝💝

*ଭାବନାର ଶେଷ କାହିଁ*

************************

ବିଶାଳ ପୃଥିବୀ ବିଶାଳ ସାଗର

ବିଶାଳ ଏ ମନ ପ୍ରାଣ

କବି ଭାବନାରେ ବିଶାଳତା ସବୁ

ନିରବରେ ସମ୍ଭାଷଣ ll

 

ବିଶାଳ ଆକାଶ ବିଶାଳ ଏ ନିଆଁ

ବିଶାଳ ପୁଣି କିରଣ

ଭାବନା ଖିଅରେ ବାନ୍ଧି ହେଇଯାଏ

ଗୋଟି ଗୋଟି ପ୍ରକରଣ ll

 

ଅଦିନିଆ ଝଡ଼ ଅଦିନରେ ଆସି

କ୍ଷଣିକରେ ଚାଲିଯାଏ

ଯାହା ରହିଯାଏ କଲମ ମୁନରେ

ଦୁଃଖ ହୋଇ ଝରୁଥାଏ ll

 

ବିପ୍ଳବର ଧାରା ସ୍ୱାଧୀନତା ପାଇଁ

ପ୍ରତିବାଦ ମନ୍ତ୍ର ଟିଏ

ଭାବନାରେ ଖଞ୍ଜି ଭାବକୁ ପ୍ରକଟି

ମହାନତା ବୁଣିଥାଏ ll

 

ମନ କଥା ଟିକେ ଭିଆଣି ପକିଲେ

କାଗଜର ବକ୍ଷ ଖୋଜେ

ଭାବ ଅମୃତରେ କଲମର ଗାର

ଆରମ୍ଭ ସ୍ରୋତରେ ଭିଜେ ll

 

*ନବ କୁମାର ଦାସ*

*ସୁରଡ଼ିହା ,ବାଲିଆପାଳ ,ବାଲେଶ୍ୱର*

*ଶିକ୍ଷକ*

💝💝💝💝💝💝💝💝💝

 211 total views,  3 views today

2 thoughts on “ଭାବନାର ଶେଷ କାହିଁ–*ନବ କୁମାର ଦାସ*”

Leave a Reply

Your email address will not be published. Required fields are marked *