ବସନ୍ତ ର ଅଭିଷେକ
******❣️*******
ମନ୍ଦ୍ର ମଳୟ ର ମଧୁର ସ୍ପର୍ଶ ରେ
ବସନ୍ତ ଗୋ ତୁମେ ଆସ
ପୁଷ୍ପ ର ସମ୍ଭାର, ସ୍ୱପନ ଅସାର
ସତେ ଶିଶୁ ଓଠେ ମିଠା ହସ !
ଅତୁଟ ବନ୍ଧନ ପ୍ରକୃତି ର ସାଥେ
କୋକିଳ ର ମିଠା କୁହୁ ତାନ
ମଳୟ ପବନେ ହୁଏ ଆନମନା
ଗ୍ରାମ୍ୟ ଯୁବତୀ ର କୁଆଁରୀ ମନ
ଜାତି ଜାତି ଫୁଲ ବନେ ଉପବନେ
ମର୍ତ୍ତ୍ୟ ରେ ଭରେ ମାଧୁରୀ
ଧରଣୀ ରାଣୀ ର ଅପରୂପ ଶୋଭା
ପଥେ କ୍ରୀଡା କରେ ଶିଶୁ ବତ୍ସତରୀ
ବସନ୍ତ ସମର୍ପେ ସୌନ୍ଦର୍ଯ୍ୟ ର ଘୃତ
ବର୍ଣ୍ଣବିଭା ପ୍ରକୃତି ର ଯଜ୍ଞ ବକ୍ଷେ
କୋକିଳ ଗାଏ କୁହୁତାନ ମନ୍ତ୍ର
ସ୍ୱର୍ଗୁ ବର୍ଷା ହୁଏ ପୁଷ୍ପ ଲକ୍ଷେ ଲକ୍ଷେ
ମନ୍ଦ୍ର ମଳୟ ର ମିଠା ଅନୁଭବ
ଭରଇ ରୋମାଞ୍ଚ, ଶିହରାଏ ତନୁ, ମନ
ପ୍ରକୃତି ର ବକ୍ଷ କରି ଅଭିଷେକ
ବସନ୍ତ ହୁଅଇ କାଳ ବକ୍ଷେ ଲୀନ
✍️ଶ୍ରୀସିକ୍ତା ଶୁଭଦର୍ଶିନୀ ନାୟକ
ଜଗତସିଂହପୁର
862 total views, 1 views today