ବାପା — ଶରତ ଚନ୍ଦ୍ର ପଣ୍ଡା

ବାପା

 

ଶରତ ଚନ୍ଦ୍ର ପଣ୍ଡା

ଯାଜପୁର

 

ଦେବଙ୍କର ବାପା ଜଗତ କରତା

ଉମାପତି ଚନ୍ଦ୍ରଶ୍ରେଖର,

ହେ ଶିବ ଶଙ୍କର ଶଶିଖଣ୍ଡ ମୋୖଳି

ବାପା ହେବକି ହେ ମୋହର l (ଘୋଷା )

ନାହିଁ କାରେ ଭୀତି ଅଶେଷ ବିଭୂତି,

ବିଭୂତି ବୋଳା ସେ ଶରୀର

ଜଗତ ବାସୀଙ୍କୁ ସୁଖ ଦେବାପାଇଁ

ହୋଇଲ ପିତା ଦିଗମ୍ବର l

ଶ୍ମଶlନେ ରହିଲ ବିଶ୍ୱ ପିତା ହୋଇ

ଉମାପତି ମାନବ ବର l

ହେ ଶୁଭର ଶିବ ଶଶିଖଣ୍ଡ ମୌଳି

ପ୍ରଣାମ ମୋ ତୁମ ପୟର l 1l

ହିଂସ୍ର ଜନ୍ତୁ ମେଳେ ବାସୁକୀ ଯେ ଗଳେ

ନିଶ୍ଚଳେ ବାସୀ ଧ୍ୟାନ କର,

ଆହେ ପଶୁପତି ଅଳପେ ତୃପତି

ଆଶୁତୋଷ ନାମ ତୁମର l

ଧର୍ମ ଧରି ରଖି ଅଛି ତୁମ ନାମ

ଯେଣୁ ନାମ ବହ ଈଶ୍ୱର l

ହେଶିବ ଶଙ୍କର ଶଶିଖଣ୍ଡ ମୌଳି

ପିତା ପଣ ପ୍ରଦାନ କର l 2l

ସଂସାର ପାଳନ ପାଇଁ ସଦାଶିବ

ରୁଦ୍ରରୂପେ କରୁ ସଂହାର,

କୈଳାସର ପତି ପାର୍ବତୀ ସମ୍ପତ୍ତି

ସାତ ପିଢ଼ି ମିତ୍ର ମୋର l

କଳା ବାଛୁରୀକୁ ଧଳା କରିଥିଲ

ନାମ ବହିଲ ଧବଳେଶ୍ୱର,

ଆହେ ବିଶ୍ୱ ପିତା ମୋ ପିତାର ପିତା

ପିତା ହେବକି ମୋ ପୁତ୍ରର l 3 l

 103 total views,  2 views today