ବଦଳିଛ କେତେ?
*******************
ବିବର୍ତ୍ତନ ବାଦ ପ୍ରମାଣ କରିଲା
ବାନରୁ ମାନବ ସୃଷ୍ଟି,
ବଦଳିଛି କେତେ ମାନବ ଜାତିଟା
ବଢ଼ାଇ ତା’ ନିଜ ଦୃଷ୍ଟି।
ବିତିଥିଲା ଦିନ ନିଘଞ୍ଚ କାନନେ
ବର୍ଷା ଖରା ଶୀତ ଖାଇ,
ବଦଳିଲା ଚିତ୍ର ସମୟ ଗତିରେ
ବିକାଶ ର ନାରା ଦେଇ।
ବିଚଳିତ ଲାଗେ ଦେଖି ସ୍ଥିତି ଆଜି
ବିକାଶ କି ସତେ ଇଏ…?
ବିକୃତ ଭାବନା କେମିତି ଜନ୍ମିଲା
ବିକଶିତ ନର ଦେହେ?
ବିବେକ ଶବ୍ଦ କୁ କୁହୁଣ୍ଡା ପକାଇ
ବଡ଼ ବଡ଼ ବୋଲି କୁହେ,
ବୁଝିବା ଶକ୍ତି କୁ ପୋଡି ଖାଇ ଦେଇ
ବଳବାନ ସେ ବୋଲାଏ।।
ବେଶ, ଖାଦ୍ୟ ,ପେୟ ସବୁଥିରେ ଆଜି
ବଣୁଆ ବଣୁଆ ଛିଟା,
ବଦଳିଛି କିସ ବୁଝି ହୁଏ ନାହିଁ
ବିକାଶ ଟା ଲାଗେ ଖଟା।
କୁମାର ସୋନୁ
ଗଞ୍ଜାମ
