-:ଅଣସର:-
ବିଶ୍ବେଶ୍ବର ମାଝୀ
***************************************
ଜରରେ କଂପୁଛି ଜଗା ଆମ ପାଣି ବାଜି ସ୍ନାନ ପୂର୍ଣିମାରେ
ସବୁଠୁ ବିଶ୍ଵାସୀ ଯେଉଁ ବିଶ୍ଵାବସୁ ଜଗିଛି ଅଣସରରେ।
ଦଇତା ପତିଏ ପଥି ପାଞ୍ଚଣରେ କରନ୍ତି ସେବା ଗୁପତେ
ମନ୍ତ୍ର ତନ୍ତ୍ର ନୁହେଁ ଆତ୍ମିୟତା ଲୋଡା ଜଗା ଶିଖାଏ ମରତେ।
ରତ୍ନ ସିଂହାସନେ ପଟି ଦିଅଁ ଶୋହେ ଭକତ ଦର୍ଶନ ପାଇଁ
ଅଲାୟାର ନାଥ ବ୍ରହ୍ମଗିରି ବିଜେ ଦରଶନ ଦେବା ପାଇଁ।
ଅଣସରଘରେ ପ୍ରବେଶ ନିଷେଧ ନଦେଖି ସେ ଜଗନ୍ନାଥ
ଖିରି ଭୋଗ ପାଇଁ ଭକତ ଆତୁର ଧାଉଁଛି ଅଲାର ନାଥ।
ମଠରୁ ଆସିବ ଫୁଲରି ତେଲଟି ବରଷକ ତଳୁ ପୋତା
ବାଜିଲେ ଦେହରେ ଜର ଛାଡିଯିବ ଭକତ ଭିଡିବ ଛତା।
ଅମାବାସ୍ୟା ଦିନ ଭକତ କରିବ ନବଯୌବନ ଦର୍ଶନ
ଦୁତୀୟା ତିଥିରେ ଧାଡି ପହଣ୍ଡିରେ ରଥେ ଆଣିବେ ଭିଡିଣ।
ଛୁଇଁବାକୁ କେତେ ଗହଳି ଲାଗିବ ଟାହିଆ ଦେବେ ଛିଣ୍ଡାଇ
ଆଗକୁ ଟାଣିବେ ପଛକୁ ଭିଡିବେ ରେଶମ ରଜ୍ଜୁ ଲଗାଇ।
ମହାଭୈରବ ସେ ପୁଣି ମହାବିଷ୍ନୁ ମର୍ତ୍ୟ ବୈକୁଣ୍ଠ ନିବାସୀ
ତନ୍ତ୍ରମନ୍ତ୍ର ଠାରୁ ସ୍ନେହରଜ୍ଜୁ ବଡ ଏହି ଲୀଳା ପରକାଶି।
ବିଶ୍ବେଶ୍ବର ମାଝୀ
I have discovered excellent messages here. I enjoy the way you create.
So excellent!