#ଅର୍ଦ୍ଧ_ମୁକୁଳିତ_ସ୍ବପ୍ନ
÷÷÷÷÷÷÷÷÷÷÷÷÷
ଜୁଆରିଆ ଆଖି ନଈ
ତଟଦେଶର ପ୍ରାନ୍ତରରେ
ଛୋଟ କୁଡ଼ିଆ ତୋଳିଛି
ସ୍ୱପ୍ନର କୁନି ଘରଚଟିଆଟିଏ ।
ଦୁଆର ମୁହଁରେ ଅଣ୍ଟା ଭିଡ଼ି
ଅପେକ୍ଷା କରିଥିଲା ସଂଘର୍ଷ ।
ତା’ ଦରଜା କରାଘାତର
ନିଶୁନ ଶବ୍ଦମାନ ଅଜାଡ଼ି ହୋଇ ପଡ଼ୁଥିଲା
ମୋ ଭୀତତ୍ରସ୍ତ କର୍ଣ୍ଣକୁହରରେ ।
ଉନ୍ମୁକ୍ତ ଦରଜା ଦେଇ
ଫେରୁଥିଲା ପଳାତକ ଅପରାଧୀ
ବେଶ ସନ୍ତର୍ପଣରେ ।
ହାୟ ବିଚରା ସ୍ବପ୍ନ !
ଆକାଶର ତାରାଫୁଲ ଗଣୁ ଗଣୁ
ହାତ ପାପୁଲିର ମୃଦୁଚାପରେ
ମୋତେ ପ୍ରକୃତିସ୍ଥ କରାଏ ।
କଳ୍ପଲୋକରୁ ଟାଣି ଆଣି
ବାସ୍ତବତାର କୁହୁଡ଼ିରେ
ଅସ୍ପଷ୍ଟ ଭବିଷ୍ୟତ ଦେଖାଇ
ଜୀବନର ସେଇ ବୈଚିତ୍ରମୟ
ସଙ୍ଗୀତ ଶୁଣାଏ ।
★★★★★
©ଦୀପିକା ଦାଶ
108 total views, 1 views today