ଅଳକାନନ୍ଦା
ଜାନକୀ ମହାନ୍ତ
ମୁଁ ଅଳକାନନ୍ଦା ତୁମ ପ୍ରୀତିମୁଗ୍ଧା
ଧୈର୍ଯ୍ୟ ଶକ୍ତି ସ୍ୱରୂପିଣୀ,
ହୃଦ ବଲ୍ଲଭକୁ ହୃଦେ ଲୀନ କରି
ରଖିଛି ମୁଁ ତୋ’ ସଙ୍ଗିନୀ ।
ତୁମେ ମୋର ପ୍ରୀତି ତୁମେ ମୋର ଶକ୍ତି
ତୁମେ ମୋର ମନୋବଳ,
ତୁମ୍ଭେ ପ୍ରାପ୍ତ ହେଉ କୋଟି ପରମାୟୁ
ଜମା ହୁଅନା ଦୁର୍ବଳ ।
ଲୋଡ଼ା ନାହିଁ ମୋର ଧନ ସମ୍ପତ୍ତିର
ଲୋଡ଼ା ନାହିଁ ସୁନା ହୀରା,
ତୁମେ ସାଥି ମୋର ସ୍ୱଚ୍ଛ ହୀରା ଖଣ୍ଡ
ତୁମ ପ୍ରେମ ଅପାସୋରା ।
ଖାଲି ଲୋଡ଼ା ମୋର ତୁମ ସ୍ୱଚ୍ଛ ପ୍ରୀତି
ଟିକେ ଭାବ ସମ୍ମୋହନ,
ସମ୍ପର୍କର ରଜ୍ଜୁ ରହିଥାଉ ଦୃଢ଼
ପ୍ରେମ ହେଉ ଯେ ଅମ୍ଳାନ ।
ରହିଥାଉ ଆମ ଭାବର ବନ୍ଧନ
ସଦ୍ୟ ଫୁଟା ପାରିଜାତ,
ସବୁ ବେଳେ ତୁମେ ହସୁଥାଅ ଧନ
ରାଣ ରହିଲା ମୋ ମିତ ।
ତୁମ ଠାରେ ଅଛି ମୋ ହୃଦ ସ୍ପନ୍ଦନ
କେମିତି ବଞ୍ଚିବି କୁହ?
ପ୍ରାଣ ବିନା କାୟା ହୁଏ ଶ୍ୱାସ ରୁଦ୍ଧ
ଝରେ ଅମାନିଆ ଲୁହ ।
ବେଙ୍ଗାଲୁରୁ
243 total views, 4 views today