*ମୋ ଅନୁଭୂତିରେ ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ*

ପ୍ରଥମତଃ ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନରେ ମୁଁ ଛୋଟିଆ ଅଂଶଟେ ସାଜି ନିଜକୁ ଧନ୍ୟ ମଣୁଛି । ମୁଁ ଆଗରୁ ଅନେକ ପ୍ରତିଷ୍ଠାନରେ ରହିଛି । ସମସ୍ତ କବିତା ଆସରରେ ଭାଗ ନେଇଛି ଏବଂ ଡିଜିଟାଲ ମାନପତ୍ର ମଧ୍ୟ ପାଇଛି । ଯେତେବେଳେ ପ୍ରଥମ ମାନପତ୍ର ପାଇଥିଲି ସେତେବେଳେ ମୁଁ ବହୁତ ଖୁସି ହେଇଥିଲି । ପରେ ବାରମ୍ବାର ମୁଁ ଆସରରେ ଭାଗନେଇ ମାନପତ୍ର ମାନ ପାଇଥିଲି, ଯାହା ମୋ ମନକୁ ଦୂର୍ବଳ କରୁଥିଲା । ଆପଣ ହୁଏତ ଏବେ ଭାବିପାରନ୍ତି ଯେ ମାନପତ୍ର ପାଇ ଖୁସି ହେବା କ୍ଷେତ୍ରରେ ମୁଁ ଦୁଃଖି ଓ ମନ ଦୂର୍ବଳ କାହିଁକି ହେଉଥିଲା ? ତାର ଉତ୍ତର ହେଉଛି – ଯେତେବେଳେ ମୁଁ ବାରମ୍ବାର ମାନପତ୍ର ପାଇଲି ସେତେବେଳେ ନିଜେ ନିଜର ପ୍ରଶ୍ନରେ ଛନ୍ଦି ହୋଇଗଲି ଯେ- ସତରେ କଣ ମୁଁ ଏତେ ଭଲ ଲେଖୁଛି ? ସତରେ କଣ ମୋର କିଛି ଭୁଲ୍ ନାହିଁ ? ପରେ ଜାଣିଲି ସେମାନେ ଆମ କବିତା କି ଗଳ୍ପର ସମିକ୍ଷା କରୁନାହାଁନ୍ତି । ଆମେ ଯାହା ଲେଖିଦେଲେ ମଧ୍ୟ ” ବାଃ ଖୁବ୍ ସୁନ୍ଦର, ଅତି ଚମତ୍କାର ” ଇତ୍ୟାଦି ମତାମତ ଦେଉଛନ୍ତି ।

ପ୍ରଥମ ଥର ଏହି ସୂର୍ଯ୍ୟୋଦୟ ପରିବାର ଦେଖିଲି ଯୋଉଁଟା କି ନାମକୁ ମାତ୍ର ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ ନୁହେଁ । ବରଂ ନାମ ଯେମିତି କାମ ମଧ୍ୟ ଠିକ୍ ସେମିତି ।
ସୂର୍ଯ୍ୟ ହେଉଛନ୍ତି ସକଳ ଶକ୍ତିର ଆଧାର । ସୂର୍ଯ୍ୟ ଯେମିତି ଉଦୟ ହେଲେ ଉଚ୍ଚ ନିଚ୍ଚ , ଧନୀ ଗରିବ ବାଛ ବିଚାର ନକରି ତାଙ୍କ କଅଁଳ କିରଣ ସମସ୍ତଙ୍କ ଉପରେ ବିଚ୍ଛୁରିତ କରିଥାନ୍ତି ଠିକ୍ ସେମିତି ସୂର୍ଯ୍ୟୋଦୟ ପରିବାର ସମସ୍ତ ପିଲାଙ୍କୁ କୋଳେଇ ନେଇ ସାହିତ୍ୟ ଦୂନିଆରେ ହାତ ଧରି ଆଗକୁ ବଢ଼ିବାରେ ସହଯୋଗ କରୁଛନ୍ତି ।
ଆମର ପ୍ରତ୍ୟେକ ଲେଖାରେ ଆମର ତ୍ରୁଟି ଦର୍ଶାଉଛନ୍ତି । ଏବଂ ନବ ସମ୍ଭାବନା ପାଇଁ ଆସିଥିବା ନବ ପ୍ରତିଭାଙ୍କୁ ଅଧିକ ସତର୍କ ଓ ସାହିତ୍ୟ ପ୍ରତି ଅଧିକ ଦାୟିତ୍ୱବାନ୍ କରାଇବା ପାଇଁ କେତେଜଣ ସୁଯୋଗ୍ୟ ମେଣ୍ଟରଙ୍କୁ ଦାୟିତ୍ୱ ଦିଆଯାଇଛି । ଆମ ଦାୟିତ୍ୱ ଗ୍ରହଣ କରିଥିବା ସମସ୍ତ ମେଣ୍ଟର ମଧ୍ୟ ସବୁବେଳେ ଚଳପ୍ରଚଳ ରହିଛନ୍ତି ।
ଏହି ପ୍ରତିଷ୍ଠାନରେ ଯୋଗ୍ୟ ବିବେଚିତ ପ୍ରତିଭା ମାନଙ୍କୁ ମାନପତ୍ର ଦେଇ ସମ୍ମାନ ଜଣାଉଛନ୍ତି ।

ସୂର୍ଯ୍ୟୋଦୟ ପ୍ରତିଷ୍ଠାନକୁ ମୁଁ ହୃଦୟରୁ ଧନ୍ୟବାଦ ଜଣାଉଛି ମୋର ଦାୟିତ୍ୱ ଜିତେନ୍ଦ୍ର ଗିରି ସାରଙ୍କୁ ଦେଇଥିବାରୁ । ଜିତେନ୍ଦ୍ର ସାର୍ ପ୍ରତ୍ୟେକ ଦିନ ପ୍ରଭାତରେ ଆମ ମାନଙ୍କ ଇଚ୍ଛାଶକ୍ତି ବଢ଼ିବା ପାଇଁ ଛୋଟ ଛୋଟ ପ୍ରେରଣା ଦାୟକ ବାର୍ତ୍ତା ଦେଇଆସୁଛନ୍ତି । ଯାହା ମନରେ ବିଶ୍ୱାସ ଜାଗ୍ରତ କରୁଛି । ଏବଂ ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ ଏକ ଆନ୍ତର୍ଜାତିକ ପ୍ରତିଷ୍ଠାନ ହେଇଥିବାରୁ ଏଥିରେ ଆୟୋଜିତ ହେଉଥିବା ବିଭିନ୍ନ କାର୍ଯ୍ୟକ୍ରମ ରେ ଆମେ ନିଜକୁ ଆନ୍ତର୍ଜାତିକ ସ୍ତରରେ ପରିଚିତ କରିପାରୁଛୁ । ତେଣୁ ସୂର୍ଯ୍ୟୋଦୟ ଅନୁଷ୍ଠାନର ପ୍ରତିଷ୍ଠାତା, ସମସ୍ତ କର୍ମକର୍ତ୍ତା, ସଭାପତି ଓ ମେଣ୍ଟର ସମସ୍ତଙ୍କୁ ମୁଁ ମୋର ହୃଦୟରୁ କୃତଜ୍ଞତା ଜ୍ଞାପନ କରିବା ସହିତ ପ୍ରତିଷ୍ଠାନର ଉଜ୍ଜ୍ୱଳ ଭବିଷ୍ୟତ କାମନା ପୂର୍ବକ ମହାଦେବଙ୍କ ପାଖରେ ପ୍ରାର୍ଥନା କରୁଛି ।
ଧନ୍ୟବାଦ ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ

*ସୁଭଦ୍ରା ପଟ୍ଟାୟତ, ବାଲେଶ୍ବର*

 108 total views,  1 views today