*: ଅନୁଭୂତିରେ ସୂର୍ଯ୍ୟୋଦୟ :*
*ହୃଦୟ ରଞ୍ଜନ ପରିଡ଼ା, ଯାଜପୁର*
ଜୀବନର କାଳ ଚକ୍ରରେ ପ୍ରତିଦିନ ଘଟିଥାଏ ଅନେକ ଘଟଣା, ଜୀବନର ଅଙ୍କା ବଙ୍କା ରାସ୍ତାରେ ପ୍ରତିଦିନ ମିଳଥାନ୍ତି ଅନେକ ସାଥୀ| ସେଥିରୁ କିଛି ମନର ସିଲଟରୁ ଲିଭିଯାଏ ତ କିଛି ଆଙ୍କି ହୋଇ ରହିଯାଏ ସ୍ମୃତିର କାନଭାସ୍ ଉପରେ | କିଛି ଏମିତି ସ୍ମୃତି ଆଜି ଆଙ୍କି ହୋଇଯାଇଛି ମୋର ମନର କାନଭାସ ଉପରେ ଏକ ସାହିତ୍ୟ ଅନୁଷ୍ଠାନର ସହ ଯାହାକୁ ମୁଁ କରୁଅଛି ଉପସ୍ଥାପନ |
ପ୍ରଦୋଷ କାଳରେ ନବ ଦିଗନ୍ତରେ ସିନ୍ଦୁରା ଫାଟିଲେ ସମଗ୍ର ବିଶ୍ୱ ଭୂମଣ୍ଡଳ ହୋଇଥାଏ ନବ ରବିଙ୍କ କିରଣରେ ଉଦ୍ଭାସିତ | ଠିକ ସେହିପରି ଏକ ଅନୁଷ୍ଠାନ, ଯେଉଁଠାରୁ ସବୁ ବାଧା ବିଘ୍ନର ଚୂଡ଼ାକୁ ଅତିକ୍ରମ କରି ହୋଇଥାଏ ନବ ପ୍ରତିଭାଙ୍କର ଉଦୟ | ଏଥିପାଇଁ ବୋଧେ ଏ ଅନୁଷ୍ଠାନ ନାମ ସୂର୍ଯ୍ୟୋଦୟ |
ଯାଜପୁରରୁ ଯାକର୍ତ୍ତା, ବାଲେଶ୍ବରରୁ ବଙ୍ଗାଳଦେଶ, ଭୁବନେଶ୍ୱରରୁ ଭଟାନ, ତଥା ଫୁଲବାଣୀରୁ ଫିଲିପାଇନ୍ସ ଯାଏ ସମସ୍ତ ସାହିତ୍ୟିକଙ୍କୁ ଏ ଅନୁଷ୍ଠାନ ବାନ୍ଧି ପାରିଛି ନିବିଡ଼ ସମ୍ପର୍କର ଡୋରିରେ | ଏକ ପରିବାର ଯେଉଁଠି ଛୋଟ ବଡ଼ ନିର୍ବିଶେଷରେ ଦିଆଯାଇଥାଏ ପ୍ରତିଭାକୁ ସମ୍ମାନ | ଇଏ ଏକ ଏପରି ଅନୁଷ୍ଠାନ ଯିଏ ସ୍ୱପ୍ନର ତାସ୍ ଘରକୁ ରୂପ ଦେଇଥାଏ ବାସ୍ତବ ମିନାରର |
ପୂର୍ବ ବର୍ଷ ମୁଁ ମଧ୍ୟ ଏହି ଆନ୍ତର୍ଜାତୀୟ ଯୁବ ପ୍ରତିଭା ସମ୍ମାନର ପ୍ରତିଯୋଗିତାର ପ୍ରତିଯୋଗୀ ରହି ସାରିଛି ଏବଂ ଆଜି ପୁଣି ଥରେ ସେହି ପ୍ରତିଯୋଗିତାରେ ଜଣେ ପ୍ରତିଯୋଗୀ | ପ୍ରତିଯୋଗିତାରେ ଯୋଡ଼ି ହେବା ପରଠାରୁ ଆମକୁ ମିଳିଥିଲେ ଅଭିଜ୍ଞତାରେ ପୂର୍ଣ୍ଣ ଏବଂ ତାଙ୍କର ତତ୍ୱାବଧାନରେ ଆମକୁ ଆଗକୁ ନେବା ପାଇଁ ମାର୍ଗ ଦର୍ଶକ ଏବଂ ମାର୍ଗ ଦର୍ଶିକା | ମୋର ମାର୍ଗଦର୍ଶକ ଶ୍ରୀଯୁକ୍ତ ପ୍ରସନ୍ନ କୁମାର ମେହେର ମହୋଦୟ | ପ୍ରତ୍ୟେକ ଥର ମୁଁ ଯାହା ବି କିଛି କବିତା ଲେଖିଥାଏ sir ଙ୍କୁ ଦିଏ ଏବଂ sir ମଧ୍ୟ କବିତା ଉପରେ ମତାମତ ରଖନ୍ତି | ପ୍ରତିଦିନ ସକାଳୁ ଆସିଥାଏ ଜିତେନ୍ଦ୍ର sir ଙ୍କ ମେସେଜ | ସିଏ ତ ଖାଲି ମେସେଜ ନୁହେଁ ସେଥିରେ ଲୁଚି ରହିଥାଏ ପୁରା ଦିନରେ ତଥା ଜୀବନରେ ଆସୁଥିବା ଅନେକ ପ୍ରଶ୍ନର ଉତ୍ତର | ଆଭାସୀ ଆସରେ ଯୋଗ ଦେଇଥିବା ସମସ୍ତ ମୁଖ୍ୟ ଅତିଥି ମହୋଦୟ / ମହୋଦୟଙ୍କ ଶିକ୍ଷଣୀୟ କଥା, ପ୍ରିୟ ରାଜ ଭାଇ, ଶିବ ସୁନ୍ଦର ଭାଇ, ପ୍ରଶାନ୍ତ Sir ଏବଂ ଆମ ସମସ୍ତ ମାର୍ଗ ଦର୍ଶକଙ୍କ ବକ୍ତବ୍ୟ ଅନେକ କିଛି ଶିକ୍ଷଣୀୟ ବାର୍ତ୍ତା ପ୍ରଦାନ କରିଥାଏ | ଏଥରର ଯୋଗାଦାନ କରିଥିବା ସମସ୍ତ ପ୍ରତିଯୋଗୀ ଯେବେ କବିତା ପଢ଼ିଥାନ୍ତି ନୂଆ ଶୈଳୀ ମଧ୍ୟ ଶିଖିବାକୁ ମିଳିଥାଏ |
ଭାରତର ଅନ୍ୟାନ୍ୟ ରାଜ୍ୟରୁ ଏବଂ ଭାରତ ବାହାରୁ ଅନେକ ସାରସ୍ୱତ ସାଧକ ମଣ୍ଡଳୀ ଯୋଡ଼ି ହୁଅନ୍ତି ଆମ ସହ | ଆଉ ତାହା ମଧ୍ୟ ଦେଇଥାଏ ଏକ ନୂଆ ଅନୁଭବ | ସବୁଠାରୁ ଖୁସି ଲାଗିଥିଲା ଯେବେ ବିଦେଶରୁ Mildred Par ମାମ କହିଥିଲେ ଜୟ ଜଗନ୍ନାଥ | ଯେଉଁଥିରୁ ସ୍ପଷ୍ଟ ଭାବରେ ଜଣାଯାଏ, ଆମ ଭାଷା,ସଂସ୍କୃତି ଆଉ ସାହିତ୍ୟକୁ ଆଜି ସାତ ଦରିଆ ପାରିରେ ପହଞ୍ଚାଇବାର ଏ ଯେଉଁ ଉଦ୍ୟମ ବୀର୍ଯ୍ୟ ରୋପଣ କରାଯାଇଛି, ସୂର୍ଯ୍ୟୋଦୟ ଦ୍ୱାରା ତାହା ନିଶ୍ଚୟ ଭବିଷ୍ୟରେ ଯେ ବିଶାଳ ମହାଦ୍ରୁମର ରୂପ ନେବ ସେଥିରେ ତିଳେ ହେଲେ ସନ୍ଦେହ ନାହିଁ |
ଆଉ ଏ କୋଣାର୍କର ଯିଏ କାରିଗର ଅର୍ଥାତ ଅନୁଷ୍ଠାନର ପ୍ରତିଷ୍ଠାତା ଶ୍ରୀମାନ ମନୋଜ କୁମାର ପଣ୍ଡା ମହୋଦୟ, ପ୍ରିୟ ବଡ଼ ଭାଇ ମନୋଜ ଭାଇ ତାଙ୍କ ଠାରୁ ମଧ୍ୟ ଅନେକ ଗୁଡ଼ିଏ ଶିକ୍ଷଣୀୟ ବାର୍ତ୍ତା ମିଳିଥାଏ ପ୍ରତ୍ୟେକ କାର୍ଯ୍ୟକ୍ରମରେ ଏବଂ ଆମର ପରିବାରରେ |
ପ୍ରତିଯୋଗିତାରେ ରହିଥିବା ସମସ୍ତ ପର୍ଯ୍ୟାୟ ସତରେ ବହୁତ ଶିକ୍ଷଣୀୟ | ସମସ୍ତଙ୍କ ସହ ଗଢ଼ି ଉଠିଥିବା ନୂଆ ସମ୍ପର୍କ ଆଉ ଏ ପ୍ରତିଯୋଗିତା ଶେଷରେ ନିଶ୍ଚୟ ଏକ ସୁନ୍ଦର ଅନୁଭବ ତଥା ଅନୁଭୂତି ଆଣି ଦେବ ବୋଲି ମୋର ପୂର୍ଣ୍ଣ ଭରସା ରହିଛି |
ବହୁତ ସୁନ୍ଦର
ସୁନ୍ଦର୍ ଉପସ୍ଥାପନା ଭାଇ