♣ମରୀଚିକା♣
♣ ମନୋଜ କୁମାର ଦାସ♣
ସ୍ବପ୍ନରେ ଭାବିଥିଲି ଯାହା
ପ୍ରତିଫଳନ ହେବ ସାମ୍ନାରେ
ଶୀତୁଆ ପାଗରେ ଧାଇଁ ଧାଇଁ
ଅପେକ୍ଷାର ଅନ୍ତ ଘଟିଲା ନାହିଁ l
କଥା ଦେଇଥିଲ ଭେଟ ପାଇଁ
ଆସିବ ଆସିବ ବୋଲି କହି
ଆସିବାର ତୁମ ନାଁ ଗନ୍ଧ ନାହିଁ
ଅପେକ୍ଷାର ଅନ୍ତ ହୋଇବ କାହିଁ l
ଦୁଃଖରେ ଆଖିରୁ ଝରାଇ ଲୁହ
ତୁମ ବାଟ ଚାହିଁ ବସିଛି ଅନାଇ
ଭଲ ପାଇବାର ମାନେ ବୁଝିଛ
ନିଷ୍ଠୁର ହେଉଛ କେଉଁଥିପାଇଁ l
କେମିତି ଭୁଲିବି ତୁମକୁ ମୁହିଁ
ପିଲାଟି ଦିନରୁ ସାଥିହୋଇଛେ
ଧୂଳି ବାଲିଘର ଖେଳଖେଳିଛେ
କେମିତି ଭୁଲିବ କାହାକୁ କିଏ l
ତୁମେ ଯାଇଛଯେ ଯାଇଛ ଚାଲି
ଫେରିବାର ସୁରାକ ମିଳୁନାହିଁ
ତୁମ ଭଲପାଇବାଟା ହିଁ ଥିଲା
ମରୀଚିକା ପଛରେ ଦୌଡିବା l
***********************
ମନୋଜ କୁମାର ଦାସ