ଅମୃତ ର ସୃଷ୍ଟି ଶିଶୁ
————————
ପ୍ରତାପ କିଶୋର ରାଉତ
“”””””””””””””””””
ଶିଶୁ ଟିଏ ମୁହିଁ ଏଇ ଧରା ପରେ
ଅମୃତ ର ସୃଷ୍ଟି ଟିଏ
ହୃଦୟ ମୋହର ସ୍ୱଚ୍ଛ ନିରିମଳ
ସପନ ମୁଁ ଦେଖୁ ଥାଏ
ନବୀନ ଉଷାର ଜ୍ୟୋତି
ସମ୍ଭାବନା ମୋର ଅନନ୍ତ ଅସୀମ
ନାହିଁ ମୋ ହୃଦୟେ ଭୀତି ।
ତମସା ରେ ମୁହିଁ ଆଶା ର ଆଲୋକ
ବିଶ୍ୱାସ ନବ କଳିକା
ଅନନ୍ତ ସମ୍ଭାର ମୋ ହୃଦୟେ ଲେଖା
ନବୀନ ଉର୍ଜା ଗୀତିକା
ସର୍ଜନା ର ଅଙ୍ଗୀକାର
ବିଧାର ର ଏହି ସୃଷ୍ଟିରେ ମୁହିଁ
ଅମୀୟ ପୂତ ନିର୍ଝର ।
ଦୁଃଖ ଦୁର୍ଦ୍ଦଶା କୁ ଦଳି ଦେବି ମୁହିଁ
ଆଣିବି ନବ ଚେତନା
ପ୍ରଜ୍ଞା ର ଆଲୋକ ବିଛୁରିତ ହେବ
ହେବନି କେ ଆନମନା
ବିଶ୍ୱାସ ଭରଷା ଦେଇ
ଟିକେ ଯଦି ମୋତେ ତୋଳିନେବ କୋଳେ
ସବୁ ଜ୍ୱାଳା ଯିବ ଧୋଇ ।
ଅୟୁତ ହସ୍ତ ର ଆଶୀଷ ମଥା ରେ
ମୋ ପାଇଁ ବରସୁ ଥାଉ
ଆହେ ଦୟାମୟ ପରମ ଈଶ୍ୱର
ତଵ ପଡେ ଲୟ ରହୁ
ହୋଇବୁ ଜଗତ ଜିତା
ସବୁ ଅର୍ଗଳି ଭେଦ କରି ବାକୁ
ଆଶୀଷ ପରମ ପିତା ।
—————————–
