#ମୋ_ସମ୍ମୋହିନି!
ତୁମେ କିମ୍ପା ଆସ ଜୀର୍ଣ୍ଣ କଙ୍କାଳ ରେ
ପ୍ରୀତିର ହାଲକା ସ୍ପର୍ଶ ଦେଇ
ଚୁମ୍ବନ ଟିଏ ଆଙ୍କିବାକୁ ତୁମ ରକ୍ତିମ ଓଠେ
ଛପି ଛପି ମୋତେ ମୋଠାରୁ ଚୋରାଇବା ପାଇଁ……
ତୁମ ଅପାଙ୍ଗ ଦୋହଲା ଚାହାଣୀ ରେ ମହାଦୁଃଖୀ
ଏବେ ନୀଳକଇଁ, ମୃଗୁଣୀ, ଭ୍ରମରୀ ଓ ଶଫରୀ
ତୁମ ଦୁଇ ନରମ ଓଠର ରଙ୍ଗକୁ ଦେଖି
ପଳାସ ବି ଏଠି ଭୁଇଁରେ ଲୁଟଇ………
ପାଛିଏ ରାଶି ରାଶିକା ରଙ୍ଗ ତୂଳୀ ନେଇ
ଆସ ନପୁଂସକ ସମୟରେ ଫିଦିନ
ଆଙ୍କିବାକୁ ତୁମ ଚାନ୍ଦ ମୁହଁ ମୋ ହୃଦ କାନଭାସରେ
ପ୍ରେମ ପ୍ରୀତି ପ୍ରଣୟର କୀର୍ତ୍ତି ସ୍ତମ୍ଭ ସ୍ଥାପନ ପାଇଁ…….
ସରି ତ ନଥିଲା ସବୁକିଛି
ତୁମେ କିମ୍ପା ଚାଲିଗଲ ଅନ୍ଧାର ରାତିରେ
ଅବେଳରେ ଆସି
ପ୍ରଭାତି ତାରକା ସମ, ପ୍ରୀତିର ଦୀପ୍ତି ଦେଇ…….
ମୋ ସମ୍ମୋହିନି! ଜୀବନ ମଙ୍ଗଳ ସୂତ୍ର ରେ
ତୁମ ନାମ ଦେଇଅଛି ଲେଖି
ତୁମେ ଯିଏ କେହି ହୁଅନା କାହିଁକି
ମୋର କିଛି ଯାଏ ଆସେ ନାହିଁ…….
*ମନୋଜ କୁମାର ପଣ୍ଡା*
*ସଚିବ , ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ*
*ଅଡା, ବାଲେଶ୍ଵର*
