#ସଖୀ_ହେ!
#ଇଥିଓପିଆନ_ହାଣେକା_ଶୈଳୀ
ଜୀର୍ଣ୍ଣ ଦେହ ଦେଉଳର ଆଳିମାଳିକା ରେ
ସାଇତି ରଖିଛି ତୁମେ ଦେଇଥିବା ସ୍ମୃତି
ଗୋପନେ ପଢ଼ଇ ତୁମ ହାତ ଲେଖା ଚିଠି।।
ଜୀବନ ଟା ମୋର ମିଛ ହୋଇଯିବା ପରେ
ସଖୀ ହେ! ସପନେ ଦେଖଇ ତୁମକୁ ନିତି
ମରୀଚିକା ଲୋଭେ ଖାଲି ମୁଁ ଜିଇଁଚି ଏଠି।।
ହସରେ ଅବା ଲୁହରେ ଛାତିଏ କୋହରେ
ଗଲାଣିତ କେତେ ଦିବସ ଜାମିନୀ ବିତି
ତୁମେ ଯିବା ପରେ କିଛି ବି ପାରିନି ଜିତି।।
କହିଥିଲ କାନେ ତୁମେ ଅତି ଗୋପନରେ
କରିବାକୁ ପୁଣ୍ୟବ୍ରତ ଗାଇ ଶାନ୍ତି ଗୀତି
ହସି ହସି ପୁଣି କର୍ମ ପଢି ପୁଣ୍ୟ ପୋଥି।।
ହାତ ଛାଡି ତୁମେ ଏବେ ଅଛ କେଉଁଠାରେ
ଫେରିଆସ ତୁମେ ପ୍ରାଣ କରଇ ମିନତୀ
ସବୁ ବାଧା ବିଘ୍ନ ସହିବା ଆମେ ଏକାଠି।।
*ମନୋଜ କୁମାର ପଣ୍ଡା*
*ପ୍ରତିଷ୍ଠାତା ଓ ସମ୍ପାଦକ, ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ*
158 total views, 1 views today