**ନୀଳ ଜହ୍ନ **

ନୀଳ ଅମ୍ବରରେ ନୀଳ ଜହ୍ନ ମୋର
ନୀଳ ବଉଦର ତଳେ,
ନୀଳ କାନ୍ତ ହସେ ନୀଳ ଜୋଛନାରେ
ସୁରଭିତ ତାରା ମେଳେ ।।

ନୀଳ ସାଗରରେ ନୀଳ ଊର୍ମିମାଳା
ନୀଳାଭ ଗଗନ ତଳେ,
ନୀଳ ତଟିନୀ ଖୋଜେ ସାଗର ବେଳା
ମଥା ରଖିବାକୁ କୋଳେ ।।

ନୀଳ ସରସୀରେ ନୀଳ କମଳିନୀ
ଢଳ ଢଳ ନୀଳ ଜଳେ,
ଅଂଶୁମାନ ଦେଖି ହସେ ପ୍ରଣୟିନୀ
ନୀଳ ଆନନ୍ଦାଶ୍ରୁ ଢାଳେ ।।

ନୀଳ ପୋଖରୀରେ ନୀଳ କୁମୁଦିନୀ
ଛଳ ଛଳ ନେତ୍ରେ ଚାହେଁ,
ତା’ର ନୀଳ ଚାନ୍ଦ ପାଇଁ ହିଲ୍ଲୋଳିନୀ
ଜ୍ୟୋତ୍ସ୍ନାରେ ଯେ ଭିଜୁଥାଏ ।।

ଅପରାଜିତାର ନୀଳ ଓଢ଼ଣୀ ରେ
ପ୍ରିୟା ଅବଗୁଣ୍ଠନବତୀ,
ପ୍ରିୟ ଆସିବ ମୋ ମେଘ ସବାରୀରେ
ନେଇ “ନୀଳାହାର” ପ୍ରୀତି।।

ଅନନ୍ତ ଯୁଗର ଅନନ୍ୟ ନାୟକ
ବାଞ୍ଛା କଳ୍ପବଟ ମୋର,
ଜନ୍ମ ଜନ୍ମାନ୍ତରେ ମଧୁର ସମ୍ପର୍କ
ରହିଥାଉ ଅଭିସାର ।।

ବେଙ୍ଗାଲୁରୁ,
ଘର: ଲହୁଣୀପଡ଼ା, ରାଉରକେଲା

 28 total views,  1 views today

Leave a Reply

Your email address will not be published. Required fields are marked *