#ଈଶ୍ୱର କାନ୍ଦିଲେ
**************
ହୃଦୟରେ ଛଳନା, ଇର୍ଷା, ଲୋଭ, ହିଂସା,
ପରଶ୍ରୀକାତରତାର ବହଳେ ଆସ୍ତରଣ,
ଚକ୍ଷୁର ଲୋଲୁପ ଦୃଷ୍ଟିରେ ହୁତ୍ ହୁତ୍ ଅନଳ
ଦେଖ… ମଣିଷ ଜାଳୁଛି ଅସଂଖ୍ୟ ଶିମିଳିପାଳ !
ଏଇ ଯେ ଶୁଣାଯାଏ,,
ହାୱାରେ ତଥାକଥିତ ଭୁତାଣୁର
ପ୍ରହେଳିକାମୟ ଅବସ୍ଥିତି କଥା ,,
ମାପିଛ କି କେବେ ଥରେ, ପ୍ରତିଟି ନିଶ୍ୱାସରେ
ଏ ମଣିଷ କେତେ ଜହର ଉଦ୍ଗାଳେ ?
ହାୱା କଣ ସେତେ ବିଷାକ୍ତ ହୋଇପାରେ ??
କିଏ ବୁଝେ ଗଛ-ଲତାଙ୍କ ମନ କଥା, ପଶୁ-ପକ୍ଷୀର ବ୍ୟଥା !
ଜିଭରୁ ଲାଳ ଗଡ଼େ ପୋଡ଼ା ମାଂସ ଦେଖିଲେ,,
ଡାଇନାସୋର୍ ପରି କେଉଁ କାଳୁ
ମଣିଷ ଆଖିରେ ଲୁପ୍ତ ପ୍ରାୟ ପ୍ରତିକ୍ରିୟାତ୍ମକ ଲୁହ !
ତା’ର ହାବଭାବରେ ଆଜି ସେ ଈଶ୍ୱରଙ୍କୁ ବି
ଅସ୍ବୀକାର କରେ !
ଘାସ, ଶାଳ, ପିଆଶାଳ, ଶାଗୁଆନ,
ବାଘ, ହରିଣ, ଗୁଣ୍ଡୁଚି, କୋଚିଲାଖାଇ ମାନଙ୍କ
ଆଖିର ଅଶ୍ରୁକୁ ଶେଷରେ ଈଶ୍ୱର ବୁହାଇଦେଲେ
ନିଜ ଆଖିରେ ।
ତିନି ଦିନ ହେଲାଣି
ରହି ରହି ବର୍ଷୁଛି ଈଶ୍ବରଙ୍କ ସମବେଦନା
ଜଙ୍ଗଲର ମଥାନୀରେ ।
ଶିମିଳିପାଳ ଆଖିରେ ଏବେ ଉତୁରୁଛି ଭିନ୍ନ ଅଶ୍ରୁ
ଈଶ୍ବରଙ୍କ କରୁଣାର ମମତ୍ତ୍ୱବୋଧ ସ୍ପର୍ଶରେ
ଆଉ ମନୁଷ୍ୟତ୍ୱର ଅଭାବ ପଣିଆରେ ।
#ଜ୍ଞାନେନ୍ଦ୍ର ପଣ୍ଡା..✍️
