ଜୟ ଜଗନ୍ନାଥ
ହେ ଜଗନ୍ନାଥ,
ତୁମେ ନିରାକାର ପରମବ୍ରହ୍ମ
ସଗୁଣ, ନିର୍ଗୁଣ, ସବୁର ଆଧାର
ସ୍ବଇଛାରେ ଘଟ ପରିବର୍ତ୍ତନ କରୁଥିବା
ତୁମେ ସେହି ପରମେଶ୍ୱର ।
ଅବିଚଳ, ନିତ୍ୟ, ସନାତନ ତୁମେ
ଅଣୁଠାରୁ ଅଣୀୟାନ
ମହାନ ଠାରୁ ମହୀୟାନ
ତୁମେ ହି ଭୂମା, ତୁମେ ବିରାଟ
ନାହିଁ ଆଦି, ନା ଅଛି ଅନ୍ତ ।
ତୁମେ ଯଜ୍ଞ ପୁରୁଷ, ଯୋଗେଶ୍ୱର
ସତ୍ୱ, ରଜ, ତମ
ଅଧିକାରୀ ତିନି ଗୁଣର
‘ଅ’ ‘ଉ’ ‘ମ’ ର ସମାହାର
ତୁମେ ହିଁ ସେ ଓଁ କାର ।
କର୍ଣ୍ଣ ନାହିଁ ତୁମ, ନାସା ନାହିଁ
ଖଣ୍ଡିତ ହାତ ତବ, ପାଦ କାହିଁ ?
ଅଧର ଅଛି, ପାଟି ନାହିଁ
ବସିବା ପାଈଁ ତବ କଟି କାହିଁ ?
ଅଭୁତ ଏକ ରୂପ
ତଥାପି ତୁମେ ବିଶ୍ୱ ସ୍ଵରୂପ ।
ମନରୁ ଜା ଜାତ ଚନ୍ଦ୍ର
ଚକ୍ଷୁରୁ ସୂର୍ଯ୍ୟ
ମୁଖରୁ ଅଗ୍ନି , ଇନ୍ଦ୍ର
ପ୍ରାଣରୁ ବାୟୁ ,
ନାଭିରୁ ଅନ୍ତରୀକ୍ଷ
ମସ୍ତକରୁ ପୁଣି ସ୍ୱର୍ଗ
ଚରଣୁ ପୃଥିବୀ
ଶ୍ରୋତ୍ରରୁ ଦିଗ ମାନ ଜାତ ।
ହେ ଜନାର୍ଦ୍ଦନ,ତୁମେ ହିଁ
ମାନବ, ମାଧବ ସତ୍ତାର ମିଳନ
ବେଦରେ ତୁମେ ପରମବ୍ରହ୍ମ
ମଚ୍ଛ୍ୟ ପୁରାଣେ ପୁରୁଷୋତ୍ତମ
ଭଗବତ୍ ଗୀତା ରେ ଯୋଗେଶ୍ୱର
ପଦ୍ମପୁରାଣେ ନୀଳପର୍ବତ ବିହାରୀ ଶ୍ରୀରାମ ।
ହେ ମହାକରୁଣ୍ୟ, ମହାଶୂନ୍ୟ
ଶ୍ରୀମନ୍ଦିରେ ଅଧର କୁସୁମି
କରି ପରିଧାନ
ଅଦା ପାଚେଡି,ଅଧାମ ଖାଇଣ
ଆଡ଼ ଚାହାଣୀରେ ଭୂଖଣ୍ଡ ଉଦ୍ଧାରିଣ
ଅଷ୍ଟଦିଗେ ଅଷ୍ଟନାଗକୁ କରିଛ ଯୋଗାଣ ।
{ଦୀପିକା ଦାଶ} {ବ୍ରହ୍ମପୁର ଗଂଞ୍ଜାମ}
