ରହିଯା ସମୟ
ହୃଦ ତଳେ ଆଜି ବଂଶୀ ସ୍ବନ ବାଜି
ମତୁଆଲା ହୋଇ ମନ
ଧାଇଁ ବହେ ସତେ ଉଜାଣି ଯମୁନା
ଆବେଗେ ହୋଇ ତଲ୍ଲୀନ,
ଏ ସମୟ ମୂଲ୍ୟବାନ,
ରହିଯା ସମୟ ମୋ ପାଇଁ ଅଟକି
ଦେଉଛି ତୋତେ ମୋ ରାଣ ।
ଯଦି ଚାଲିଯିବୁ ଅଧୁରା ରହିବ
ମୋର ସକଳ ଭାବନା,
ବେସୁରା ହୋଇଣ ସେ ମଧୁ ରାଗିଣୀ
ବଢ଼ି ଯାଇ ମୋ ଶୋଚନା,
ଭରିବ ହୃଦେ ବେଦନା,
ଅସହାୟ ପଣେ କିପରି ବଞ୍ଚିବି
ଟିକେ ତୁ କହି ଦେଏନା ?
ଜୀବନଟା ସାରା ଏତେ ସୁଖ କେବେ
ପାଇ ମୁଁ ନ ଥିଲି ପରା,
କେମିତି ତାହାକୁ ହାତଛଡା଼ କରି
ଆନନ୍ଦେ ହେବି ଅଧିରା !
ସେତ ମୋ ମଧୁ ପସରା,
ସେଥିପାଇଁ ତା’କୁ ଧରି ରଖିବାକୁ
ତୋତେ କରିଛି ଆଶରା ।
ତୁତ ନିଦାରୁଣ ନୁହେଁ ଟାଣପଣ
କାହା ପାଇଁ ଏ ସଂସାରେ,
ଅଟକି ରହିବା ତୋର କାମ ନୁହେଁ
ଜାଣି ବି ଗୁହାରି କରେ,
ନିଜ ସ୍ବାର୍ଥେ ନିରନ୍ତରେ,
ଅବୁଝା ମନକୁ ବୁଝାଇ ନ ପାରି
ତୋତେ ଖାଲି ଯାହା ଝୁରେ ।
କୁରୁଆଁ, ମୁଗପାଳ, ଯାଜପୁର
Oh my goodness! Amazing report dude! Several many thanks, However I’m going through troubles with all your RSS. I don’t know The main reason why I’m able to’t sign up for it. Is there anybody else getting similar RSS issues? Anybody that understands The solution will you kindly answer? Thanks!!
great article, i like it