ଜୀବନ ସାଥି
*********************
ପ୍ରସନ୍ନ କୁମାର ମେହେର
ମନର ମାନସୀ ପ୍ରୀତିର ପ୍ରେୟସୀ
ଆହେ ମୋର ପ୍ରିୟତମା
ସପନ ରୂପସୀ ସରଗ ଉର୍ବସୀ
ପ୍ରଣୟର ଅନୁପମା ।
ଷୋଳଟି ଫଗୁଣ ଚୋରା ଚଇତିର
ପ୍ରୀତି ର ଅଭିସାରିକା
ମୃଦୁ ମଳୟ ର ଶୀତଳ ସମୀର
ମୋ ସପନର ନାୟିକା ।
ମୋ ଆଖିରେତୁହିତୋଆଖିରେମୁହି
ହୃଦ କଥା ଅନୁଭବି
ଚକ୍ଷୁ ପଟ୍ଟଳର ଅନ୍ତଃ ଦୃଷ୍ଟି ଭେଦ
ଉଦ୍ଭାସିତ ପ୍ରତିଛବି ।
ମୃଦୁ ମୃଦୁ ହସ ଅପରୂପ ହାସ
ପୀରତିର ଅଭିଳାଷ
ପ୍ରୀତି ର ଜୁଆର ମନେଉଙ୍କି ମାରେ
ଅନ୍ତରର ମଧୁବାସ ।
ସାତ ଜନମର ସାଥି ମୋର ତୁମେ
ରହିଛ ରହିବ ଏକା
କଥା ଦେଉଅଛି ହାତେ ହାତ ଛନ୍ଦି
ଜୀବନ ସାଥି ନାୟିକା ।
ଆଖି ତୁମ କହେ ହୃଦୟର ଭାଷା
ବାହୁ ବନ୍ଧନ ନିରେଖି
ଦାମ୍ପତ୍ୟ ଜୀବନ ସୁଖି ଦମ୍ପତି ର
ସୁହାଗ ସିନ୍ଦୂର ସାକ୍ଷୀ ।
ତୁମେ ମୋ ନୟନା ପ୍ରୀତିରଲଳନା
ସତ୍ୟବତୀ ରାଜଜେମା
ବିରହ ରାଘବ ଝୁରି ମରେ ସଦା
ବଞ୍ଚି ପାରିବ ନି ଜମା ।
~~~~~~~~~~~~~~
