ଜୀବନ ଦୋଳି
¡¡!!!!!!!!!!!!¡¡!!!!!!!!!!¡¡
ଜୀବନ ଦୋଳିରେ ଝୁଲି ଝୁଲି ଆଜି
ପଡ଼ିଅଛି ମୁହଁ ମାଡ଼ି
ହସ ଲୁହ ଭରା ଏ ଜୀବନ ପରା
ଏଇ ଅଛି ଯିବ ଛାଡ଼ି
ଏ ସାରା ଦୁନିଆ ସୁଖରେ ନିଜର
ଦୁଃଖରେ ଦିଅନ୍ତି ଛାଡ଼ି
ଦି ଦିନ ର ସ୍ନେହ ଆଦର ସବୁ ତ
ଅଦିନରେ ଯାଏ ଝଡ଼ି
ଏଣେ ତେଣେ ଘୂରି ଥକିଲିଣି ଆଉ
ଝୁଲିବାକୁ ଶକ୍ତି ନାହିଁ
କାଳ ଡାକିଲାଣି ହାତ ଠାରି ଏବେ
କୋକେଇକୁ ଅଛି ଚାହିଁ
ପ୍ରିୟଜନ ମୋର ଖୋଜିବେ ଅନେକ
ଅସ୍ଥି- ଉଜାଣି ବେଳେ
ଝରୁ କୁ ନ ଝରୁ ଅଶ୍ରୁ କା’ ଆଖିରୁ
ମୋ ମା ..
କାନ୍ଦୁଥିବ ସବୁବେଳେ…
ଶକୁନ୍ତଳା ପରିଡ଼ା
ଜଗତସିଂହପୁର
