*** *ଭାଙ୍ଗି ଦିଅନା ମୋ ହୃଦୟ* ***
********************
ସୀମାଞ୍ଚଳ ପଣ୍ଡା
************
ଦେଲ ପ୍ରତିଶ୍ରୁତି ହେଲ ମୋର ସାଥୀ
କିଣି ନେଲ ମୋର ମନ,
ହୃଦୟ ଜିଣିଲ ଆପଣାର କଲ
ଅରପି ଦେଲି ଜୀଵନ।
ତୁମ ପଥ ଚାହିଁ ରହିଛି ତ ମୁହିଁ
ତୁମେ ମୋଆଶା ଭରସା,
ତୁମ ଵିନା ମୋର ହେଵ ନାହିଁ ଦୂର
ତୁଟିଵ କି ମୋର ତୃଷା,
ତୁମେ ମୋ ଆଶାର ଵୈତରଣୀ ନିର
ତୃଷାର୍ତ୍ତ ପଥିକ ପ୍ରାଣ,
ଦେଲ ପ୍ରତିଶ୍ରୁତି ହେଲ ମୋର ସାଥୀ
କିଣି ନେଲ ମୋର ମନ।
ଆଶାର ଦୀପାଳି ହୃଦୟେ ଜାଳିଲି
ଜୀଵନେ କରିଲି ଵ୍ରତ,
କି ମନ୍ତର ଦେଲ ନିଜର କରିଲ
କରିଵ କି ଵିପରୀତ !
କି କାରଣେ ଭାଵ ତୁମର ଅଭାଵ
ଦିନୁଁ ଦିନ ହୁଏ ଉଣା,
କାଳେ ପ୍ରତିଶ୍ରୁତି ହେଵନି ତ ଇତି
ହୋଇଵ କି ପ୍ରତାରଣା !
‘ଭାଙ୍ଗି ଦିଅନା ମୋ ହୃଦୟ’ ଵେଦନା
ଵଢି ଚାଲେ ଅନୁକ୍ଷଣ,
ହୃଦୟ କିଣିଲ ଆପଣାର କଲ
ଅରପି ଦେଲି ଜୀଵନ।
କି କାରଣେ ଆଜି ରହିଛ ଵରଜି
ଅନ୍ତର ଦେଵତା ମୋର,
ହୃଦୟ ଦେଇଛି ତୁମକୁ ମୂରୁଛି
ନ ରହିଵ ପ୍ରାଣ ମୋର !
******************
ସୀମାଞ୍ଚଳ ପଣ୍ଡା
