**** *ମାନଵିକତା* ***
***********
ସୀମାଞ୍ଚଳ ପଣ୍ଡା
***********
ମାନଵିକତାର ଜୟ ଜୟ କାର
କରଇ ମାନଵ ଜୀଵନେ ତା’ର,
ଆପେ ଆପଣାର କରଇ ସଂହାର
ଅଚିରେ ନାଶଇ ସୁଖ ସଂସାର।
ମାନଵ ଜୀଵନ ନୁହେଁ କଦାଚନ
ସ୍ୱେଚ୍ଛାରେ ସାରିଵ ଜୀଵନ କାଳ,
ନ ଥାଇ ଵିଚାର ସାର କି ଅସାର
ସଂସାରମୋହରେ ନହେଵଭୋଳ,
ଆନ ଜୀଵ କଥା ନ ଖେଳାଇ ମଥା
ଆପଣାର ସ୍ଵାର୍ଥେ ହୁଅ ଵିଭୋର?
ମାନଵିକତାର ଜୟ ଜୟ କାର
କରଇ ମାନଵ ଜୀଵନେ ତା’ର।
ମାନଵିକ ଗୁଣ ଗାରିମା ଯତନ
କରନ୍ତେ ସୁନ୍ଦର ହୋଇଵ ଧରା,
ସେନେହ ସରାଗ ସେଵା ସଦଭାଵ
ତ୍ୟାଗରେ ଵହିଵ ଅମୃତ ଧାରା !
ଘୃଣା ଈର୍ଷା ପଣ ଅଶାନ୍ତି କାରଣ
ଆପଣାର ଦୋଷେ ମରଇ ପ୍ରାଣୀ,
ନିଜକୁ ପରଖ ପାପକୁ ନିରେଖ
ନିଜ ଦୋଷେ ଦିଅନାହିଁ ଘୋଡ଼ଣୀ,
ଅନ୍ୟକୁ ଆଘାତ କେଵେ କଦାଚିତ
ଦେବନାହିଁ ପାଇ ଜୀଵନ ସାର,
ମାନଵିକତାର ଜୟ ଜୟ କାର
କରଇ ମାନଵ ଜୀଵନେ ତା’ର।
ଆନ ଅଧିକାର ସଦା ରକ୍ଷାକର
ମାନଵିକତାର ନ କର ଲୋପ,
ମାନଵ କର୍ତ୍ତଵ୍ୟ ମହାନତା ଭାଵ
ମାନଵିକତାର ଶୁଦ୍ଧ ସ୍ୱରୂପ !
*********************
ସୀମାଞ୍ଚଳ ପଣ୍ଡା
170 total views, 1 views today