#### ମୋ ଦେଶ ଭାରତ ####
ଗଭୀର ଅନୁଚିନ୍ତାରେ ପଶିଯାଇ ମୁଁ
ଦେଖିଲି ମୋ ଦେଶ ଭାରତକୁ
କେତେ ଯେ ଦୁଃଖ ନ ସହିଛି
କୋଟି ରକ୍ତ ବିନ୍ଦୁ ମାଟିରେ ମିଶିଛି l
ମରହଟ୍ଟା ମୋଗଲ ମୁସଲମାନଙ୍କ
ସହସ୍ର ସମସ୍ୟାର କରି ସମାଧାନ
ଆଣିଛି ମୁହୂର୍ତ୍ତ ଆତ୍ମ ସମୀକ୍ଷାର
ସ୍ଵାଦ ଚାଖିଛି ସ୍ୱାଧୀନତାର l
ବହିଃ ଶତ୍ରୁକୁ ଦୂରେଇ ନେଇ
ଲୋଲୁପ ଦୃଷ୍ଟିକୁ ବୁଜେଇ ଦେଇ
ରକ୍ଷା କବଚ ଆମ ମାଟିର ବୀର
ନତ ମସ୍ତକ କରାଇ ଇଂରେଜର
ହିଂସା ପ୍ରଣୋଦିତ ତରବାରିର ଜୟ ନୁହେଁ ଜୟ
ଅହିଂସା ଦୟା ପବିତ୍ରତା ଏକା ବିଜୟ l
ଛିନ୍ନ ଭିନ୍ନ ଦେଶକୁ ସଜାଡି
ବସୁଧୈବ କୁଟୁମ୍ବକମ୍’ର ପିନ୍ଧି ପଗଡି
ଶାନ୍ତି ଶୃଙ୍ଖଳା ପ୍ରତିଷ୍ଠି
ଅହିଂସାର ନୀତି କରି ସୃଷ୍ଟି
ଦରିଦ୍ର ଅସହାୟ ରୁଗ୍ଣ ହତଭାଗ୍ୟ
ଏମାନଙ୍କ ସେବା ହିଁ ଅଟେ ସୌଭାଗ୍ୟ
ଏପରି ମୋ ଦେଶ ଭାରତ ସରଳ ସୁରମ୍ୟ
ସତରେ ମୋ ଦେଶ ଭାରତ ମହାନ l
ନାମ – ଡିଲେଶ୍ଵରୀ ମେହର
ବିଜେପୁର, ବରଗଡ଼
