***** *ସାଗର କହେ* ******
***********
ସୀମାଞ୍ଚଳ ପଣ୍ଡା
***********
ସାଗର ବୋଲଇ ସସାଗରା ମହୀ
ଦିଏମୁଁ ଯୋଗାଇ ମୋଦେହ ଜଳ,
ସୂର୍ଯ୍ୟ ନିଏ ଶୋଷି ମେଘରୁ ବରଷି
ପାଉଛି ଜଗତ ସ୍ୱଚ୍ଛ ସଲୀଳ।
ବାଷ୍ପ ଉଠେ ନଭେ ଶୀତଳ ପ୍ରଭାବେ
ସରଜଇ ମେଘ ବରଷେ ପାଣି,
ନଦ ନଦୀ ଝର ବନ୍ଧ ହ୍ରଦ ସର
କୂପ ପୁଷ୍କରିଣୀ ଭରଇ ପୁଣି,
ଜଳ ପାଇଁ ସିନା ହୁଏ ସମ୍ଭାବନା
ବଞ୍ଚଇ ଜୀବନ ଧରଣୀ ତଳ,
ସାଗର ବୋଲଇ ସସାଗରା ମହୀ
ଦିଏମୁଁ ଯୋଗାଇ ମୋଦେହଜଳ।
ସକଳ ସମ୍ପଦ ରଖେ ମହଜୁଦ
ଜଗତ ଜୀବନ ଦିଏ ବଞ୍ଚାଇ,
ଯେତେକ ଲବଣ ରତନ ପୂରଣ
ଜଳଜୀବ ବଞ୍ଚେ ଭରସା ଥାଇ,
ମୋ ଲାଗି ବରଷା ପବନ ପରଶା
ଆହାର ଅମୃତ ଜୀବ ସକଳ,
ସୂର୍ଯ୍ୟ ନିଏ ଶୋଷି ମେଘରୁ ବରଷି
ପାଉଛି ଜଗତ ସ୍ୱଚ୍ଛ ସଲୀଳ।
ସଂସାର ହିତରେ ମୋତେ ସୁବିଚାରେ
ସରଜି ଦେଇଛି ସଂସାର ସାଇଁ,
ନିୟମ ମାନିଛି କୂଳ ନ ଡେଇଁଛି
ସତ୍ୟ ଉଲଙ୍ଘନ ଶକତି କାହିଁ !
********************
