ପ୍ରାଣର ପ୍ରାର୍ଥନା
🙏🏻🙏🏻🙏🏻🙏🏻🙏🏻🙏🏻
ଆସିଥିଲି ଯିବି ଦିନେ ଅତିଥି ମୁଁ ପରା
ଥିଲା,ଥିବ ଚିରକାଳ ଏସୁନ୍ଦର ଧରା।
ଯେତେଯାହା ଅରଜିଲି କିଛିନେବି ନାହିଁ
ତେବେକିଆଁ ଏତେଲୋଭ କରେ କାହିଁପାଇଁ ?
ଅମୃତ ଜୀବନ ଇଏ କରେ ବିଷମୟ
ଆସକ୍ତି ଓ କାମନା ମନେଭରେଭୟ।
କେହିନୁହଁ ମୋରଏଠି ମୁଁନୁହେଁ କାହାର
ମୋହଗ୍ରସ୍ତ ହୋଇକହେ ସବୁ ଆପଣାର ।
ଧନ,ଦାରା,ସୁତ,ବନ୍ଧୁ,ସଖା ସହୋଦର
ମିଛସବୁସତ୍ୟଏକା ପ୍ରଭୁ ଦାମୋଦର।
ମାଟିରେ ମଣିଷ ମୁହିଁ ମାଟିହେବି ଦିନେ
ତଥାପି କରୁଛି ଲୋଭ ପ୍ରଭୁ ଏ ଜୀବନେ ।
କିଛି ନେବିନାହିଁ ଏଠୁ ଖାଲିହାତେ ଯିବି
ଏହିସତ୍ୟ ବୁଝିବାକୁ ଯୋଗ୍ୟତା ମୋ ନାହିଁ ।
ଦିଅ ସଦ୍ ଜ୍ଞାନ ପ୍ରଭୁ କରୁଣା ବରଷି
ଅଜ୍ଞାନ ଅନ୍ଧାରହଟୁ ଉଇଁ ଜ୍ଞାନଶଶି ।
ଅନ୍ୟକୁ ଯନ୍ତ୍ରଣା ଅବା ଦୁଃଖ ଦେବା ପାପ
ଶେଷସମୟରେ ଖାଲି ଥାଏ ଅନୁତାପ ।
ଯାହାକରୁଅଛି ପ୍ରଭୁ ତୁମେଏକା ଜାଣ
ଚନ୍ଦ୍ର,ସୂର୍ଯ୍ୟପରା ଅଟେ ତୁମରି ନୟନ।
ଚେତନା ଉଦୟହେଉ ଏଇଜୀବନ ରେ
ମନ୍ଦବୁଦ୍ଧି ଦୁରେଯାଉ ତୁମସୁଦୟା ରେ।
ଧନ୍ୟ ହେଉ ଏ ଜୀବନ ତୁମ ଚିନ୍ତନ ରେ
ଦୁଃଖୀ, ରଙ୍କିଠାରେ ଦୟା ଥାଉ ମୋ ମନରେ
ଅତ୍ୟଧିକ ଲୋଭ, କ୍ରୋଧ କାମନା ବାସନା
ମନରୁମୋ ତୁଟିଯାଉ ଘେନମୋ ପ୍ରାର୍ଥନା ।।
•••••••••••••••••••••
ସୁଜାତା ରାଉତ
