ପ୍ରୀତି ଫୁଲଟିଏ
ମନୋଜ କୁମାର ଦାସ
*****†****†****†****
ତୁମେ ଯାହା ଭାବୁଛ
ବିଲକୁଲ ସେଇଆ ନୁହେଁ
କେବଳ ପ୍ରୀତି ଫୁଲଟିଏ l
ମୁଁ ନୁହେଁ ସୁବାସିତ ଫୁଲ
ଚମ୍ପା, କେତକୀ, ରଜନୀଗନ୍ଧା
କାହିଁକି କେଜାଣି ପଡିଛି
ପ୍ରେମ ବନ୍ଧନରେ ବନ୍ଧା l
ମୁଁ ନୁହେଁ ସୁନ୍ଦରୀ ରମଣୀ
ମେନେକା, ରମ୍ଭା, ଉର୍ବଶୀ
କାହିଁକି କେଜାଣି ପଡିଛି
ପ୍ରୀତି ପ୍ରଣୟରେ ବନ୍ଧା l
ତୁମେ ଯାହା ଭାବୁଛ
ବିଲକୁଲ ସେଇଆ ନୁହେଁ
ଅତି ସାଧାରଣ ଫୁଲଟେ
ମାନବ ହାତରେ ତୋଳା
ସ୍ନେହ, ମମତା, ପ୍ରେମରେ
ଈଶ୍ୱରଙ୍କ ପାଇଁ ସମର୍ପଣ l
************************