**** *ସମୟ* ****
ସୀମାଞ୍ଚଳ ପଣ୍ଡା
***********
ମୋଠାରେ ମୋହର ନାହିଁ ଅଧିକାର
ନପାରେ ଅଟକି ନହୁଏ ଥୟ,
ଅବିଶ୍ରାନ୍ତ କର୍ମ ସଂସାରର ଧର୍ମ
ସର୍ଵଦା ସଚଳ ମୁହିଁ ସମୟ।
ଅଵିରାମ ଗତି ଅଛି ମୋ ଶକତି
ନିରନ୍ତରକର୍ମ ମୋହର ଦୀକ୍ଷା,
ଚାଲିଵି ଚାଲିଵି ନ ପଡ଼ିଵି ଥକି
ସଂସାରନିମନ୍ତେ ପାଇଛିଶିକ୍ଷା,
ନାହିଁ ପରାଜୟ ସର୍ଵଦା ଵିଜୟ
ତୁମ କର୍ମ ଲାଗି ହୁଏ ଅଥୟ,
ମୋଠାରେ ମୋହର ନାହିଁ ଅଧିକାର
ନପାରେ ଅଟକି ନହୁଏ ଥୟ।
ଵୟସ ମୋହର ଯୁଗେ ଭାଗକର
ଅଖଣ୍ଡ ଵୟସ ନହୁଏ ଶେଷ,
କାଳ କରେ ଭାଗ ମାନଵ ଵିଭାଗ
ସମୟ ହିସାଵେ କରମଯୋଗ।
ଧୀର ଗତି ମୋର ଚକ୍ର ପରକାର
ଘୂରି ଚାଲେ ମିଳେ ନାହିଁ ଵିରାମ,
ନ ପଡ଼ଇ ଥକି ନ ହୁଏ ମୁଁ ଦୁଃଖୀ
ସଂସାର ନିମନ୍ତେ ସଦା ସକ୍ଷମ,
ମୋ ପାଇଁ ଜଗତ ଗାଉଛି ସଂଗୀତ
ନାହିଁ ମୋ ଵିଲୟ ନିତ୍ୟ ଵିଜୟ,
ଅବିଶ୍ରାନ୍ତ କର୍ମ ସଂସାରର ଧର୍ମ
ସର୍ବଦା ସଚଳ ମୁହିଁ ସମୟ।
ଜୀଵନର ଵ୍ରତ ସଂସାରର ହିତ
କରିପାରେ ଯେଵେ ଜଗତ ଜନ,
କରେନା ନିପାତ ମୋତେ କଦାଚିତ
ପୁଣ୍ୟ ଅରଜନେ ହୁଏ ମଗନ।
******************
ସୀମାଞ୍ଚଳ ପଣ୍ଡା
