March 19, 2024
11 11 11 AM
*ମାନବିକତା ବନାମ ସ୍ୱାର୍ଥପରତା –ରିଙ୍କୁ ମେହେର*
*ସହର ସୁନ୍ଦରୀ କ’ଣ ଗାଁ ର ମହକ ବୁଝି ପାରିବ–ଟିଲି ମଲ୍ଲିକ*
ବାପାମାଆ ମାନେ ଏବେ କୁଆଡେ ଭାରି ଅଦରକାରୀ–ବାଦଲ ପଲେଇ
*ଗାଁ ର ପାଣି ପବନ, ଉଚ୍ଚ ଶିକ୍ଷିତ ବ୍ୟକ୍ତିଙ୍କ ଲାଗି ଲାଞ୍ଛନା-ସୋନାଲି ନାୟକ*
“ଉଷ୍ଣ ଅପରାହ୍ନ” ଆଜିର ସମାଜକୁ ଏକ ଶକ୍ତ ଚାବୁକ- ଝୁନୁ ଦାସ
ଆଧୁନିକତାର ଅନ୍ଧ ପୁଟୁଳି-ପୂଜାରାଣୀ ଦାସ
ସମୟର ମୂଲ୍ୟ ମାନବର ମାନବିକତା ଓ କର୍ତ୍ତବ୍ୟ -ଅରୁଣ ଡାକୁଆ
*’ମୃତ୍ୟୁ ସର୍ବଗ୍ରାସୀ’ ଏକ ସ୍ୱତନ୍ତ୍ର ଉପସ୍ଥାପନା- ଶାଶ୍ଵତୀ ନନ୍ଦ*
“ଉଷ୍ଣ ଅପରାହ୍ନ” ଏକ ଆକଳନ- ତୃପ୍ତିମୟୀ ରାଉଳ
ସମ୍ପର୍କର ମାନେ(ଆଲେଖ୍ୟ ରଚନା)- ପ୍ରିୟଙ୍କା ପ୍ରିୟଦର୍ଶିନୀ ସ୍ୱାଇଁ
Allusions Of Longing–Manoj Kumar Panda
ALLUSIONS OF PELLUCID–Manoj Kumar Panda
Allusions Of God’s Legacy–Manoj Kumar Panda
ALLUSIONS OF MY ROUTE –Manoj Kumar Panda
ALLUSIONS OF MY CLOSED EYES–Manoj Kumar Panda
ALLUSIONS OF TEARDROPS-Manoj Kumar Panda
ALLUSIONS OF FORTUNE–Manoj Kumar Panda
Our Volunteers For Suryodaya Shanti Soumitri Sammilani -2023
ALLUSIONS OF TENDENCIES – Manoj Kumar Panda
ALLUSIONS OF SHINE- Manoj Kumar Panda 
Latest Post
*ମାନବିକତା ବନାମ ସ୍ୱାର୍ଥପରତା –ରିଙ୍କୁ ମେହେର* *ସହର ସୁନ୍ଦରୀ କ’ଣ ଗାଁ ର ମହକ ବୁଝି ପାରିବ–ଟିଲି ମଲ୍ଲିକ* ବାପାମାଆ ମାନେ ଏବେ କୁଆଡେ ଭାରି ଅଦରକାରୀ–ବାଦଲ ପଲେଇ *ଗାଁ ର ପାଣି ପବନ, ଉଚ୍ଚ ଶିକ୍ଷିତ ବ୍ୟକ୍ତିଙ୍କ ଲାଗି ଲାଞ୍ଛନା-ସୋନାଲି ନାୟକ* “ଉଷ୍ଣ ଅପରାହ୍ନ” ଆଜିର ସମାଜକୁ ଏକ ଶକ୍ତ ଚାବୁକ- ଝୁନୁ ଦାସ ଆଧୁନିକତାର ଅନ୍ଧ ପୁଟୁଳି-ପୂଜାରାଣୀ ଦାସ ସମୟର ମୂଲ୍ୟ ମାନବର ମାନବିକତା ଓ କର୍ତ୍ତବ୍ୟ -ଅରୁଣ ଡାକୁଆ *’ମୃତ୍ୟୁ ସର୍ବଗ୍ରାସୀ’ ଏକ ସ୍ୱତନ୍ତ୍ର ଉପସ୍ଥାପନା- ଶାଶ୍ଵତୀ ନନ୍ଦ* “ଉଷ୍ଣ ଅପରାହ୍ନ” ଏକ ଆକଳନ- ତୃପ୍ତିମୟୀ ରାଉଳ ସମ୍ପର୍କର ମାନେ(ଆଲେଖ୍ୟ ରଚନା)- ପ୍ରିୟଙ୍କା ପ୍ରିୟଦର୍ଶିନୀ ସ୍ୱାଇଁ Allusions Of Longing–Manoj Kumar Panda ALLUSIONS OF PELLUCID–Manoj Kumar Panda Allusions Of God’s Legacy–Manoj Kumar Panda ALLUSIONS OF MY ROUTE –Manoj Kumar Panda ALLUSIONS OF MY CLOSED EYES–Manoj Kumar Panda ALLUSIONS OF TEARDROPS-Manoj Kumar Panda ALLUSIONS OF FORTUNE–Manoj Kumar Panda Our Volunteers For Suryodaya Shanti Soumitri Sammilani -2023 ALLUSIONS OF TENDENCIES – Manoj Kumar Panda ALLUSIONS OF SHINE- Manoj Kumar Panda 

ପଢନ୍ତୁ ଆଶିଷ ବେହେରା ଙ୍କ ପ୍ରବନ୍ଧ ଓଡ଼ିଆ ସାହିତ୍ୟ କୁ ନାରୀକବି ମାନଙ୍କ ଅବଦାନ

ଓଡ଼ିଆ ସାହିତ୍ୟ କୁ ନାରୀକବି ମାନଙ୍କ ଅବଦାନ



ଆବର୍ତ୍ତନଶୀଳ ଏ ପୃଥିବୀପୃଷ୍ଟରେ ‘ସାହିତ୍ୟ’ଏକ ଚିରନ୍ତନ ଦର୍ପଣ ।ଏହି ସାହିତ୍ୟ କୁ ସମୃଦ୍ଧ କରିବାପାଇଁ ସମସ୍ତ ସ୍ରଷ୍ଟା ମାନେ ଚେଷ୍ଟିତ ।ଆମ ଏହି ଓଡ଼ିଆ ଭାଷା ଏକ ସ୍ୱତନ୍ତ୍ର ଭାଷାର ମାନ୍ୟତା ପାଇଁ ଅନେକ କବି , କବୟିତ୍ରୀ ମାନେ ତାଙ୍କ କଲମ ଚାଳନା କରିଥିଲେ । ଯେଉଁ ସମୟରେ ବଙ୍ଗାଳି ମାନେ ଓଡ଼ିଆ ଭାଷାକୁ ତାଙ୍କ ଉପଭାଷା କହୁଥିଲେ ଓ ‘ଓଡ଼ିଆ ଏକଟା ସ୍ୱତନ୍ତ୍ର ଭାଷା ନଏ’ କହୁଥିଲେ ସେହି ସମୟ ପର୍ଯ୍ୟନ୍ତ ଅନେକ ଓଡ଼ିଆ କବି, କବୟିତ୍ରୀ ନିଜର ଉଚ୍ଚ କୋଟିର ପୁସ୍ତକ ରଚନା କରିସାରିଥିଲେ । ତେଣୁ ଆମ ଓଡ଼ିଆ ଭାଷାକୁ ଏକ ସ୍ୱତନ୍ତ୍ର ଭାଷାର ମାନ୍ୟତା ମିଳିଲା।
ବହୁ ପ୍ରାଚୀନ କାଳରୁ ଚାଲିଆସୁଥିଲା କେତେ କେତେ ଅନ୍ଧବିଶ୍ୱାସ , କୁସଂସ୍କାର । ସେହି ସମୟରୁ ନାରୀ ମାନଙ୍କୁ ଅବଳା-ଦୁର୍ବଲା ମନେ କରୁଥିଲେ ତେଣୁ ନାରୀ ମାନେ ନିଜର ସ୍ୱତନ୍ତ୍ର ପରିଚୟ ଓ ପ୍ରତିଷ୍ଠିତ ହେବାପାଇଁ ଅନେକ ସଂଘର୍ଷ କରିଛନ୍ତି । ବହୁ ପ୍ରାଚୀନ କାଳ ବା ଯାହାକି ପ୍ରକ୍ ସାରଳା ଯୁଗ ସେହି ସମୟରୁ ଅନେକ ନାରୀ କବି କଲମ ଚାଳନା କରି ଓଡ଼ିଆ ସାହିତ୍ୟ କୁ ସମୃଦ୍ଧ କରିବାପାଇଁ ଚେଷ୍ଟିତ ରହିଛନ୍ତି । ଏହି ପ୍ରକ ସାରଳା ଯୁଗ ପରେ ଅନେକ ଯୁଗ ଆସିଛି କିନ୍ତୁ ପିତୃ କେନ୍ଦ୍ରିକ ସମାଜ ହୋଇଥିବାରୁ ନାରୀ ମାନଙ୍କ ପ୍ରତିଭା ଲୁପ୍ତ ରହିଯାଉଥିଲା।

ଯେଉଁ କବୟିତ୍ରୀ ମାନେ ସଂଘର୍ଷକୁ ନଡରି ଆଗକୁ ବଢିଥିଲେ ସେମାନେ ଆଜିପ୍ରତିଷ୍ଠିତ ହୋଇପାରିଛନ୍ତି । ପଞ୍ଚସଖା ଯୁଗର ଜଣେ ବିଶିଷ୍ଟ କବୟିତ୍ରୀ ଯାହାଙ୍କ ନାମ ମଧବୀ ଦାସୀ ସେ ନାରୀ ହୋଇଥିବାରୁ ତାଙ୍କୁ ଭକ୍ତ ଭାବରେ ଗ୍ରହଣ କରାନଯାଇ ଅଧାଭକ୍ତ ଭାବରେ ଗ୍ରହଣ କରାଯାଇଥିଲା । ଚୈତନ୍ୟ ଚରିତାମୃତ ରେ ଉଲ୍ଲେଖ ଅଛି-

“ପ୍ରଭୁ ଲେଖାକରେ ଯାରେ ରାଧିକା ରମଣ
ଜଗତେର ମଧ୍ୟ ପାତ୍ର ସାଢ଼େ ତିନିଜଣ”

ଶ୍ରୀ ଚୈତନ୍ୟ ଙ୍କ ଅଗଣିତ ଶିଷ୍ୟ ଙ୍କ ମଧ୍ୟରୁ ଶ୍ରେଷ୍ଟ ସାଢେ ତିନିଜଣ ଭକ୍ତଥିଲେ । ସାଢ଼େ ତିନିଜଣ ରେ ଏହି ସାଢ଼େ ବା ଅଧା ହେଉଛନ୍ତି ମାଧବୀ ଦାସୀ ।

ଏହି ପଞ୍ଚସଖା ଯୁଗପରେ ଆସିଛି ରୀତିଯୁଗ । ଏହି ରୀତିଯୁଗରେ ମଧ୍ୟ ଅନେକ କବି, କବୟିତ୍ରୀ ମାନେ ଲେଖନୀ ଚାଳନା କରିଛନ୍ତି। ସେ କବୟିତ୍ରୀ ମାନେ ହେଲେ-
 ବୃନ୍ଦାବତୀ ଦାସୀ◆ବୈଷ୍ଣବ ଧର୍ମରେ ଦୀକ୍ଷିତା ଜଣେ ନାରୀକବି । ସେ ‘ପୂର୍ଣ୍ଣତମ ଚନ୍ଦ୍ରୋଦୟ’ ନାମକ ବୈଷ୍ଣବ-ଭକ୍ତିକାବ୍ୟ ର ରଚୟିତ୍ରୀ । 

ରାଣୀ ମୋହନ କୁମାରୀ◆ଯିଏକି ସମ୍ବଲପୁର ଚୌହାନ ବଂଶ ର ପ୍ରଥମ ନାରୀ ଶାସିକା ସେ ‘ଉପକାର୍ତ୍ତିକ ମାହାତ୍ମ୍ୟ’ ର ରଚୟିତ୍ରୀ ।

ଏହି ରିତିଯୁଗ ପରେ ଆସିଛି ଆଧୁନିକ ଯୁଗ ଯାହାର ସମୟସୀମା ୧୮୮୦ ଖ୍ରୀଷ୍ଟାବ୍ଦ ଠାରୁ ସାମ୍ପ୍ରତିକ କାଳପର୍ଯ୍ୟନ୍ତ ବ୍ୟାପ୍ତ । ଏହି ଯୁଗ ର ସମୟରେ ହିଁ ଗଳ୍ପ, ଉପନ୍ୟାସ, ପ୍ରବନ୍ଧ ର ସୃଷ୍ଟି ହୋଇଥିଲା । ତା ପୂର୍ବ ଯୁଗରେ କେବଳ କାବ୍ୟ-କବିତା ଥିବାରୁ ତାକୁ କାବ୍ୟ-କବିତା ର ଯୁଗ କୁହାଯାଏ ।ଏହି ଆଧୁନିକ ଯୁଗରେ ହିଁ ଅନେକ ନାରୀକବି ଙ୍କ ସୃଷ୍ଟି ହୋଇଛି । ଏହି ଯୁଗରେ ଲେଖା ଚାଳନା କରୁଥିବା ନାରୀକବି ମାନେ ହେଲେ-

ସୁଲକ୍ଷଣା ଦେବୀ◆ତାଙ୍କ ରଚନା ଗୁଡିକ ହେଉଛି ‘ପାରିଜାତ ମାଳା’,’ବଡ଼ ଦେଉଳ ରଚନା’,’ପାଞ୍ଚଟି ଋତୁବର୍ଣ୍ଣନା’ ।

ଅପର୍ଣ୍ଣା ଦେବୀ◆ଗଦ୍ୟ ଓ ପଦ୍ୟ ଉଭୟ ରଚନାରେ ଓଡ଼ିଆ ସାହିତ୍ୟ ଭଣ୍ଡାର କୁ ରୁଦ୍ଧିମନ୍ତ କରିଥିବା କବିତା-କଳ୍ପଲତା ଅପର୍ଣ୍ଣା ଦେବୀ ଏକ ଅନାଲୋଚିତ ପ୍ରତିଭା । ତାଙ୍କ ପ୍ରଥମ ପୌରାଣିକ କାବ୍ୟ ‘ଇନ୍ଦୁମତି’ । ସେ କେନ୍ଦୁଝର ରାଜପରିବାରରୁ ‘କବିତା-କଳ୍ପଲତା ଉପାଧିରେ ଭୂଷିତା ହୋଇଥିଲେ ।

ରମାଦେବୀ ଚୌଧୁରୀ◆ ସେଜଣେ ବିଶିଷ୍ଟ ସ୍ୱାଧୀନତା ସଂଗ୍ରାମୀ, ସମାଜସେବୀକା ଓ ପ୍ରବନ୍ଧିକା ।ଅଳ୍ପ କେତୋଟି ପ୍ରବନ୍ଧ ଓ ‘ଜୀବନ ପଥେ’ଆତ୍ମଜୀବନୀ ଆମ ସାହିତ୍ୟକୁ ତାଙ୍କର ଅମୁଲ୍ୟ ଦାନ ।ଏଇଟି ୧୯୮୮ ରେ ଓଡ଼ିଶା ସାହିତ୍ୟ ଏକାଡେମୀ ଦ୍ୱାରା ପୁରସ୍କୃତ । ସ୍ଥଳବିଶେଷରେ ସେ ଏଥିରେ ନାରୀସମାଜକୁ ଦିଗ୍ଦର୍ଶନ ଦେବାକୁ ଭୁଲି ନାହାନ୍ତି । ତେଣୁ ଏହାର ଉପସଂହାରେ ସେ ଯଥାର୍ଥ ରେ କହିଛନ୍ତି-“ନାରୀକୁ ପରିବାରସେବା ସହିତ ସମାଜସେବା ଦାୟିତ୍ୱ ମଧ୍ୟ ବହନ କରିବାକୁ ହେବ ଏବଂ ଏ ଉଭୟ କାମ ସୁଚାରୁ ରୂପେ ତୁଲାଇବାର କଳା ଆୟତ୍ତ କରିବାହିଁ ନାରୀର ସାଧନା ” ।

କୁନ୍ତଳା କୁମାରୀ ସାବତ◆ଓଡ଼ିଶାରେ ସ୍ୱାଧୀନତା କାଳରେ ଯେଉଁ କେତେଜଣ ନାରୀକବି ଓ ଲେଖିକାଙ୍କର ଆବିର୍ଭାବ ହୋଇଥିଲା ସେମାନଙ୍କ ଭିତରୁ କୁନ୍ତଳା କୁମାରୀ ସାବତ ଅନ୍ୟତମ । ଏକାଧାରରେ ସେ ଡାକ୍ତର, ଲେଖିକା, କବୟିତ୍ରୀ, ଜାତୀୟ ଆନ୍ଦୋଳନର ପୁରୋଧା ଓ ସମାଜସେବୀ ଥିଲେ ।

ଓଡ଼ିଶାର ସେ ପ୍ରଥମ ମହିଳା ଡାକ୍ତର, ଲେଖିକା, ଔପନ୍ୟାସିକା ,କବୟିତ୍ରୀ ଓ ସମ୍ପାଦିକା ଥିଲେ । ଓଡ଼ିଆ ସାହିତ୍ୟ କୁ ତାଙ୍କ(ରଚନା) ଅବଦାନ –
ଅଞ୍ଜଳି                ସେଫାଳି ପ୍ରତି
ଉଚ୍ଛାଶ               ତାରା ପ୍ରତି
ଅର୍ଚନା               କୋଟିକୋଟି କଣ୍ଠେ ଆଜି
ସ୍ପୁଲିଙ୍ଗ               ଅବହେଳିତ ଦେଶ
ଆହ୍ୱାନ               ପୂଜା
ମଣିକାଞ୍ଚନ          ଆଜି ବାପା ତୋତେ କହିବି କହିବି କଥା ଟି
ପ୍ରେମଚିନ୍ତାମଣି       ଅଭିଶପ୍ତ ର ଅଭିମାନ
ଓଡ଼ିଆ ଙ୍କ କାନ୍ଦଣା   ଗଡଜାତ କୃଷକ

【ଉପନ୍ୟାସ】
ଭ୍ରାନ୍ତି                ନଅତୁଣ୍ଡୀ
କାଳୀବୋହୁ       ରଘୁ ଆରଖିତ
ଚିତ୍ରପଟ
ସରଳା ଦେବୀ◆ସରଳା ଦେବୀ କେବଳ ଜଣେ ସ୍ୱାଧୀନତା ସଂଗ୍ରାମୀ ନୁହନ୍ତି, ସେ ଜଣେ ବିଶିଷ୍ଟ ସାହିତ୍ୟିକା ମଧ୍ୟ । ମୁକ୍ତି-ସଂଗ୍ରାମ ରେ ଯୋଗଦେଇ ସେ ଏକାଧିକବାର କାରାବରଣ କରିଥିଲେ । ଅଜସ୍ୱିନୀ ବକୃତା ଦେବାରେସେ ଥିଲେ ସିଦ୍ଧହସ୍ତା ।ତାଙ୍କ ସମ୍ପାଦକତ୍ୱରେ ପ୍ରକାଶିତ ହୋଇଥିଲା ‘ଜାଗରଣ ସାହିତ୍ୟ’ପତ୍ରିକା ।

ଓଡ଼ିଆ ସାହିତ୍ୟ ପ୍ରତି ତାଙ୍କ ଅବଦାନ-
ପାଞ୍ଚପ୍ରଦୀପ        ମରୁକାହାଣୀ
ବୀରରମଣୀ        ଭାରତୀୟ ମହିଳା ପ୍ରସଙ୍ଗ
ବିଶ୍ୱବିପ୍ଳବିଣୀ       ନାରୀସମସ୍ୟା
କଥା ରାମାୟଣ     ଗାଁ ବାଳାଙ୍କ କଥା
ନାରୀର ଦାବି        ଭୀମଭୂୟାଁ(ଉପନ୍ୟାସ)
ବାସନ୍ତି(ଉପନ୍ୟାସ)
ସାହିତ୍ୟ ସାଧନା ପାଇଁ ସେ ଓଡିଶା ସାହିତ୍ୟ ଏକାଡେମୀ ଦ୍ୱାରା ୧୯୬୯ ଖୀଷ୍ଟାବ୍ଦ ରେ ସମ୍ମାନିତା ଓ ପୁରସ୍କୃତା ।ମାଳତୀ ଦେବୀ ଚୌଧୁରୀ◆ଅଭିଜାତ ବଙ୍ଗୀୟ ପରିବାରର ଝିଅ, ଅଭିଜାତ ଓଡ଼ିଆ ପରିବାରର ବୋହୂ । ସ୍ୱାଧୀନତା ସଂଗ୍ରାମରେ ଯୋଗଦାନ କରି ସେ କାରାବରଣ କରିଥିଲେ । ସମାଜ-ସଂସ୍କାର କ୍ଷେତ୍ରରେ ମଧ୍ୟ ସେ ଦୁଃଶାହାସିକ ପଦକ୍ଷେପ ମାନ ନେଉଥିଲେ । ସେ ଗାୟିକା, ସୁବକ୍ତା ଓ ସୁଲେଖିକା ଥିଲେ ଏବଂ ‘ସାରଥୀ’,’କୃଷକ’ ପ୍ରଭୃତି ପତ୍ରିକାର ପ୍ରକାଶନ ଓ ସମ୍ପାଦନା ସହିତ ସଂପୃକ୍ତ ଥିଲେ। ‘ ସବୋୖଦୟ’,’ଗ୍ରାମସେବକ’,’ବାଦ’ ପତ୍ରିକାରେ ତାଙ୍କ ଲେଖାମାନ ପ୍ରକାଶିତ ହେଉଥିଲା । ‘ସବୋୖଦୟ’ ପତ୍ରିକାରେ ସେ ‘ଜୀବନ ସଂଗ୍ରାମ ‘ଶୀର୍ଷକ ରେ ଲେଖୁଥିଲେ ଦେଶର ବିଭିନ୍ନ ସମସ୍ୟା ଆଧାରିତ ପ୍ରବନ୍ଧ ମାନ ।ନାରୀ ନିର୍ଯ୍ୟାତନା, ଛୁଆଁ-ଅଛୁଆଁ ଭାବ, ଯୌତୁକ ପ୍ରଥା, ନିଶା ନିବାରଣ, ନାରୀଶିକ୍ଷା ,ଶିଶୁ କଲ୍ୟାଣ ଇତ୍ୟାଦି ବହୁବିଧ ସାମାଜିକ ବିଷୟବସ୍ତୁ ରୂପ ପାଉଥିଲା ତାଙ୍କ ରଚନାରେ ।

ଏହି ନାରୀକବି ମନଙ୍କ ପରି ଆହୁରି ଆନେକ ନାରୀକବି ଙ୍କ ସାହିତ୍ୟ ପ୍ରତି ଅବଦାନ ରହିଛି ।ଯଥା-

ସୀତାଦେବୀ ଖାଡ଼ଙ୍ଗା,ପିତାମ୍ବରୀ ଦେବୀ, ନିର୍ମଳା ଦେବୀ, ମାନମୋହିନୀ ଦେବୀ ,ଲବଙ୍ଗଲତା ଦେବୀ, ଅନ୍ନପୂର୍ଣ୍ଣା ମହାରଣା, ଅନ୍ନପୂର୍ଣ୍ଣା ଦାସ, ବିଦ୍ୟୁତ ପ୍ରଭା ଦେବୀ,ନନ୍ଦିନୀ ଶତପଥୀ, ପ୍ରତିଭା ଶତପଥୀ, ସରୋଜିନୀ ଷଡଙ୍ଗୀ,ପ୍ରତିଭା ରାୟ ।

ଅନ୍ନପୂର୍ଣ୍ଣା ମହାରଣା ଙ୍କ ଅବଦାନ(ରଚନା)-ବିନୋବାଜି ଙ୍କ ‘ଗୀତା ପ୍ରବଚନ’,’ଗାନ୍ଧିଜୀଙ୍କ’ବୁନିଆଦି ଶିକ୍ଷା’,ସଂକ୍ଷିପ୍ତ ଆତ୍ମକଥା, ସ୍ତ୍ରୀ-ପୁରୁଷ ମର୍ଯ୍ୟାଦା ।

ଅନ୍ନପୂର୍ଣ୍ଣା ଦାସ ଙ୍କ ରଚନା-‘ତ୍ରିଧାରୀ’ କବିତା ସଙ୍କଳନ ।

ବିଦ୍ୟୁତ ପ୍ରଭା ଦେବୀ ଙ୍କ ଅବଦାନ -ସବିତା, କନକାଞ୍ଜଳି,ମରୀଚିକା, ବିହାୟସୀ, ବନ୍ଦନିକା ,ସ୍ବପ୍ନ ଦ୍ବୀପ,ଝରାଶିଉଳି ।

ନନ୍ଦିନୀ ଶତପଥୀ-ଓଡ଼ିଶାର ପ୍ରଥମ ମହିଳା ମୁଖ୍ୟମନ୍ତ୍ରୀ ତଥା ଜଣେ ଦକ୍ଷ ଲେଖିକା ସେ ଏକାଧାରରେ କବି, ଗାଳ୍ପିକା ଓ ଅନୁବାଦିକା । ‘ଉତ୍ତମ ପୁରୁଷ’ ତାଙ୍କର ଏକମାତ୍ର କବିତା ସଙ୍କଳନ ।

ପ୍ରତିଭା ଶତପଥୀ-କବି ଭାବରେ ବହୁ ଯଶ ର ଅଧିକାରିଣୀ।ସୁନ୍ଦର ସୁନ୍ଦର ଚିତ୍ରକଳ୍ପ ଓ ପ୍ରତୀକ ତଥା ଲକ୍ଷ୍ୟଣୀୟ ଶବ୍ଦ ସଂଯୋଜନା ର ସମନ୍ୱୟ ରେ ତାଙ୍କର କବିତା ପ୍ରାଣ ସ୍ପର୍ଶୀ ।ତାଙ୍କ ରଚନା ଗୁଡିକ ହେଉଛି-
ଅସ୍ତ ଜହ୍ୱର ଏଲିଜି    ନିୟତ ବସୁଧା
ଗ୍ରସ୍ତ ସମୟ             ମହାମେଘ
ସାହାଡ଼ା ସୁନ୍ଦରୀ        ଶବରୀ
ସରୋଜିନୀ ଷଡଙ୍ଗୀ-ତାଙ୍କ କବିତା ମାନବିକ ଆବେଦପୂର୍ଣ୍ଣ ଓ ଏଥିରେ କିଛି ନିଛକ ଅନୁଭବ ଓ ଯନ୍ତ୍ରଣା ରୁପାୟିତ । କେତୋଟି କବିତାରେ ରୋମାଣ୍ଟିକ ଚେତନା ମଧ୍ୟ ଆଭାସିତ ।ତଙ୍କ ଅବଦାନ ହେଉଛି-‘ଆଭାସିତା’,’ଆଖି କରା କହେ’,’ଶ୍ୱେତାମ୍ବରୀ,’ଆତ୍ମଜ’,’ଅସବର୍ଣ୍ଣ’,’ତନ୍ମୟ’।

ପ୍ରତିଭା ରାୟ-ଓଡ଼ିଆ ସାହିତ୍ୟ ର ଅନ୍ୟତମ ପ୍ରତିଭାଦୀପ୍ତ ବ୍ୟକ୍ତିତ୍ୱ । ଜ୍ଞାନପୀଠ, ପଦ୍ମଶ୍ରୀ ପ୍ରାପ୍ତ ଜଣେ ସୁଦକ୍ଷ ନାରୀ।ତାଙ୍କ ରଚନା ଓଡ଼ିଆ ସାହିତ୍ୟ ଜଗତକୁ ରୁଦ୍ଧିମନ୍ତ କରିବାରେ ସମର୍ଥ ।ଓଡ଼ିଆ ସାହିତ୍ୟପ୍ରତି ତାଙ୍କ ଅବଦାନ -‘ ଷଷ୍ଠ ସତୀ’,’ମୋକ୍ଷ’,’ପୃଥକ୍ ଈଶ୍ୱର’,’ମହାମୋହ’ ।

ଓଡ଼ିଆ ଭାଷା ସାହିତ୍ୟ କୁ ସମୃଦ୍ଧ କରିବାନିମନ୍ତେ ଯେଉଁ ସବୁ ନାରୀକବି ମାନେ କଲମ ଚାଳନା କରିଛନ୍ତି ସେମାନେ ସର୍ବଦା ଚିର ନମସ୍ୟ ।



ନାମ-ଆଶିଷ ବେହେରା
ଠିକଣା-କୁମ୍ଭାରୀ, ବଲାଙ୍ଗୀର, ଓଡ଼ିଶା
ମୋ.ନଂ -7327028467

Loading

One thought on “ପଢନ୍ତୁ ଆଶିଷ ବେହେରା ଙ୍କ ପ୍ରବନ୍ଧ ଓଡ଼ିଆ ସାହିତ୍ୟ କୁ ନାରୀକବି ମାନଙ୍କ ଅବଦାନ

Leave a Reply

Your email address will not be published. Required fields are marked *