*-ଓଡିଆ ବାଣୀ ଭଣ୍ଡାରକୁ ନାରୀକବି ମାନଙ୍କ ଅବଦାନ*



ଆଧୁନିକ ଓଡିଆ ସାହିତ୍ୟରେ ନାରୀ ତାର କର୍ମମୟ ଜୀବନ ସଂସାର ଜଞ୍ଜାଳରେ ଥାଇ ମଧ୍ୟ ଦୁଃଖ ସୁଖକୁ ପଛରେ ପକାଇ ସାହିତ୍ୟ ଅନୁରାଗରେ ଯଥେଷ୍ଟ ଆଗୁଆ । ସମାଜର ସୁସ୍ଥ, ନିରାମୟ ଗଠନ ପାଇଁ ପ୍ରୟାସ ଜାରି ରଖିଆସିଛି ।
କବି କୁନ୍ତଳା କୁମାରୀ ସାବତ, ବିଦ୍ଯୁତ୍ ପ୍ରଭା ଦେବୀ, ରମା ଦେବୀ, ପ୍ରତିଭା ରାୟ, ଅପର୍ଣ୍ଣା ମହାନ୍ତି, ନିରୁପମା ରଥ, ମାଳତୀ ଦେବୀ ଚୌଧୁରୀ ପ୍ରଭୃତି ନାରୀକବି ମାନଙ୍କର ଓଡିଆ ବାଣୀ ଭଣ୍ଡାରକୁ ଅନବଦ୍ଯ ଅବଦାନ ରହି ଆସିଛି ।
*ବିଦ୍ଯୁତ୍ ପ୍ରଭା ଦେବୀଙ୍କର*-
ସବିତା, କନକାଞ୍ଜଳି,ମରୀଚିକା, ଝରା ଶିଉଁଳି ଇତ୍ୟାଦି ଅନେକ କୃତି ସାହିତ୍ୟ ଜଗତକୁ ସଂବୃଦ୍ଧିଶାଳୀ କରିଛି।
*କୁନ୍ତଳା କୁମାରୀ ସାବତ*-
କାଳିବୋହୁ,ରଘୁଅରକ୍ଷିତ,ନଅତୁଣ୍ଡି,ପରଶମଣି,ପ୍ରେମଚିନ୍ତାମଣି ସମେତ ଅନେକ ମାନବ ଧର୍ମୀ କବିତା, ଗଳ୍ପ, ଉପନ୍ୟାସ ମାଧ୍ୟମରେ ସମାଜ ତଥା ସାହିତ୍ୟକୁ ଋଦ୍ଧିମନ୍ତ କରିଛନ୍ତି ।
*ରମା ଦେବୀଙ୍କର*—
ଜୀବନ ପାଲି, ଯୁଗରୁ କଳ୍ପ, ସୁଦୂର ସଂଗୀତ, ଆଉ କେବେ ଫେରିବ ବସନ୍ତ, ଇତ୍ୟାଦି ଉପନ୍ୟାସ ସାହିତ୍ୟ ବାଣୀ ଭଣ୍ଡାରର ଅକ୍ଷୟ ରତ୍ନ ଅଟେ।
*ପ୍ରତିଭା ରାୟଙ୍କ*—-
ଯାଜ୍ଞସେନୀ, ଶିଳାପଦ୍ମ,ବର୍ଷା ବୈଶାଖ ବସନ୍ତ, ଚନ୍ଦ୍ରଭାଗା ଓ ଚନ୍ଦ୍ରକଳା ପ୍ରଭୃତି ମହାନ ଓଡିଆ ସଂସ୍କରଣ ଗ୍ରନ୍ଥ।ସମାଜ ଓ ସାହିତ୍ୟର ପ୍ରଥ ପଦର୍ଶକ ଏବଂ ଓଡିଆ ବାଣୀ ଭଣ୍ଡାରକୁ କାଳଜୟୀ ଅବଦାନ ।
ଏହି ଭଳି ଆଧୁନିକ ନାରୀ କବିମାନେ ଆମ ଭାଷା ଓ ସାହିତ୍ୟକୁ ସଫଳତାର ଶୀର୍ଷରେ ପହଞ୍ଚାଇ, ବିଶ୍ବ ଦରବାରରେ ସୁପରିଚିତ କରାଇଛନ୍ତି । ଆଜିର ନାରୀ କବିମାନେ ସେହି ଭଳି ସୁନ୍ଦର ସରଳ ତଥା ତେଜଭରା ଔଜଲ୍ଯର ଦାୟାଦ ଭାବରେ ନିଜକୁ ପ୍ରତିଷ୍ଠା କରିବାରେ ଉଦ୍ୟତ ନିଶ୍ଚୟ । ଓଡିଆ ବାଣୀ ଭଣ୍ଡାରକୁ ଆହୁରି ସଂବୃଦ୍ଧିଶାଳୀ କରିବାର ପ୍ରୟାସ ଜାରି ରଖି ଏବେବି ଉତ୍କଳିୟ ପରମ୍ପରା ତଥା ଆଦର୍ଶକୁ ସ୍ପଷ୍ଟ ରୂପ ରେଖ ଦେଇପାରୁଛନ୍ତି।
ଆହୁରି ଆଗକୁ ଚାଲନ୍ତୁ ମଧ୍ୟ । ଏହା ମୋର ଈଶ୍ବରଙ୍କ ନିକଟରେ ଏକାନ୍ତ କାମନା।।।।।



*ସୁପ୍ରିୟା ମିଶ୍ର*
ଶ୍ଯାମପୁର,ତୁଳସୀପୁର
ଯାଜପୁର

Leave a Reply

Your email address will not be published. Required fields are marked *