ଦୁଃଖ୍
ମଲିଫୁଲିଆ ଚେହେରା ଥିନ
ଝରି ପଡୁଥିବାର୍ ହସି ଭିତରେ ବି
ଲୁକି ରହିଥିବା ଦୁଃଖ ର କଲା ବାଦଲ୍ କେ
କିଏ ଦେଖି ପାରସି ।
ମୁହୁ ସିନେ ହସିଥିନ ଖିଲି ପଡୁଥିସି
ହେଲେ ସେ ମନ୍ ଭିତରେ
ଆଖିର୍ ପାଏନ ଡୁବକି ମାରୁଥିସି ।
ଲୋକ୍ କେ ଦେଖି ହସି ଦେଉଥିବାର୍ ମୁହୁନ
କହି ସିନେ ନି ପାରେ କାହାକେ
ମନଟା ତାର ଝୁରି ହେଉଥିସି
ନିଜର୍ ଲୋକକେ ।
ଖୁଜି ବୁଲୁଥିସି ଆଏଖ ଦୁଇଟା
କେନ ମିଲବା ଖୁସିର୍ ଛଏରା
ଅବୁଝା ଇ ମନକେ ତାର୍
କିଏ ବୁଝେଇଦେବା ।
ଏକଲା ଘରେ ଲୁକି କରି
ଗୁମରି ଗୁମରି କାନ୍ଦୁଥିବା
କିହେ ନି ଦେଖୁନ୍ ମୋର୍
ଆଖିର୍ ପାଏନ୍ ବଲି ।
ଦେଖିଦେଲେ କାହାକେ ଆଏଖ ପୁଛି
ଫି କିନା ହସିଦେବା ତାର୍
ଦୁଇଫଲିଆ ଓଠ୍ ନ ।
ମନ ଭିତରେ ଲୁକେଇ ଦେସି
ତାର ଭିତରର୍ କଥା
ନି ଦିଏ କାହାକେ ଜାନି
ଲୁକର ଆଗାଡେ ହସିଦେଇ
ଭିତରେ ଭିତରେ ଖେଲଉଥିସି
ଦୁଃଖର ଲୁକଲୁକାନି ।
ଜୟଶ୍ରୀ ମେହେର
517 total views, 1 views today